Къэралыгъом щыщ нэбгырэ миллион 27-рэ зыхэкIо­дэгъэ Хэгъэгу зэошхом итарихъ шIэжь мыкIосэным, лIэуж зэфэшъхьафхэм хэбзэ дэгъухэр зэIэпахынхэм атегъэпсыхьагъэу зэрэ Урысыеу а зы уахътэм такъикъэ щы-шъы­гъощтых.

Мэкъуогъум и 22-м сыхьатыр 12.15-м ащ тегъэпсыхьэгъэ Iоф­тхьабзэу зэрэхэгъэгоу щыкIощтым Адыгеири хэлэ­жьэщт. Я ХХ-рэ лIэшIэгъум ианахь зэо мэхъаджэр зыпэ­кIэкIыгъэ яIахьылхэмрэ яблагъэ­хэмрэ цIыфхэм агу къагъэкIы­жьыщтых.

Мы уахътэм телевидением, радиом, кабельнэ каналхэм Iоф ашIэщтэп. ЗэхэщакIохэр цIыфхэм къяджэх Iофтхьабзэм къыхэлэжьэнхэу, сыхьатыр 12.15-м зы такъикъкIэ яунэе автомобильхэр къызэтырагъэуцонхэу, заом хэкIодагъэхэм афэшъыгъонхэу.

— Организациехэм япащэ­хэми, республикэм ис пстэуми Iофтхьабзэм къыхэлэжьэнхэу зафэтэгъазэ. УиблэкIыгъэ пшIэным мэхьанэшхо иI, — къаIуагъ зэхэщэкIо комитетым хэтхэм.