Непэ, мэкъуогъум и 20-м, аужырэ зыкI ­къэралыгъо ушэтыныр гурыт еджапIэр къэзыу­хыхэрэм атыгъ.

[caption id="attachment_134634" align="aligncenter" width="800"] А. Iэшъын.[/caption]

Информатикэр ыкIи ИКТ-р мэфитIо гощыгъэу кIуагъэ, зэкIэмкIи ар нэ­бгырэ 73-мэ атыгъ, ахэр зэкIэ Мыекъуапэ икIэлэ­еджакIох, Мыекъопэ гимна­зиеу N 5-м зыщаушэ­тыгъ. Ушэтыным пхырыкIынхэм фэшI балл 40-м нахь мымакIэу къырахын фае, зэ­фэхьысыжьхэр бэдзэогъум и 5-м къэнэфэщтых.

Ушэтынхэр ыкIэм фэ­кIуа­гъэхэми, апэрэ уцу­гъом зымытышъугъэхэм джыри атыжьынэу амал яI. Ушъхьагъу зэфэшъхьаф­хэмкIэ экзаменхэм ямыкIо­лIэшъугъэхэм е зыфэмы­тыгъэхэм урысыбзэр — мэкъуогъум и 22-м, геогра­фиер, литературэр, IэкIыб къэралыгъуабзэхэр жэры­IокIэ — мэкъуогъум и 23-м, базовэ ыкIи профильнэ хьисапыр — мэкъуогъум и 26-м, IэкIыб къэралыгъуабзэхэр жэры­Iор хэмытэу, биологиер, информатикэр — мэкъу­огъум и 27-м, обществознаниер ыкIи химиер — мэкъуогъум и 28-м, тарихъыр ыкIи физикэр — мэкъуогъум и 29-м аты­жьынхэ алъэкIыщт.

Бэдзэ­огъум и 1-м зэкIэ предмет­хэмкIэ ушэтынхэр джы­ри пкIужьынхэ плъэкIыщт. А мафэм ащ ятын аухыщт.

Къэралыгъо аттестацион­нэ къулыкъум къызэрэ­щытаIуагъэмкIэ, пэшIоры­гъэшъ зэфэхьысыжьхэмкIэ ушэтынхэр зэрифэшъуа- шэу кIуагъэх, шапхъэхэм адимыштэу зи зекIуагъэп. Шъыпкъэ, ушэтынхэм ащыщ­хэм якIэуххэр джыри ашIэрэп. Ау экспертхэм зэралъытэрэмкIэ, гъэре­кIорэм елъытыгъэмэ, мыгъэ Адыгэ Республикэм ушэтынхэр нахь дэгъоу щатыгъэх.

Шъугу къэдгъэкIыжьын, жъоныгъуакIэм и 26-м апэу географиер, литературэр, химиер атыгъагъэх. Нэбгы­рихымэ балли 100, нэбгыритIумэ химиемкIэ, литературэмкIэ нэбгыриплIымэ, анахь балл иныр къахьыгъ.

ШIокI имыIэу атырэ урысыбзэмкIэ нэбгырэ 1665-мэ заушэтыгъ, нэбгы­рэ 29-мэ афэукIочIыгъэп, нэбгырищымэ балли 100 къахьыгъ. ГъэрекIорэм елъытыгъэмэ, а пчъагъэр тIэкIу нахь макI, ау мыгъэ балл 90-м езыгъэхъугъэр нахьыб.

Хьисапым ехьылIагъэу къэпIон хъумэ, профильнэр нэбгырэ 644-мэ атыгъ, гурытымкIэ балл 49,5-рэ къахьыгъ, зы нэбгырэ бал­ли 100 къыхьыгъ. Базовэр нэбгырэ 1023-мэ атыгъ. ТарихъымкIэ нэбгырэ 292-мэ заушэтыгъ, гурытымкIэ балл 53-рэ къалэжьыгъ, нэбгыри 9-мэ балл 90-м нахьыбэ къахьыгъ, физи­кэр нэбгырэ 193-мэ атыгъ, гурыт баллыр 48-м нагъэсыгъ.

Бэдзэогъум и 1-м ыуж ушэтынхэм якIэуххэр зэфа­хьысыжьыщтых, зэгъэпшэнхэр ашIыщтых.

ДЕЛЭКЪО Анет.