ЦIыфхэр тегущыIэнхэу къахалъхьэх
ШIэныгъэм, литературэм, искусствэм алъэныкъокIэ Адыгэ Республикэм и Къэралыгъо шIухьафтынхэр афэгъэшъошагъэмэ хъунэу къагъэлъэгъуагъэх:
ШIэныгъэм, литературэм, искусствэм алъэныкъокIэ Адыгэ Республикэм и Къэралыгъо шIухьафтынхэр афэгъэшъошагъэмэ хъунэу къагъэлъэгъуагъэх:
1. ШIэныгъэм ылъэныкъокIэ:
1) Жадэ Зуриет Анзаур ыпхъур, Ильинова Надежда Александр ыпхъур, Куква Елена Сергей ыпхъур, Лаушэ Светланэ Аслъан ыпхъур, Шъоджэ Асиет Юсыф ыпхъур – монографиеу «Пандемия CОVID-19 как вызов власти и обществу: политико-социологический взгляд» зыфиIорэр;
2) Iэшъынэ Юныс Нухьэ ыкъор – тхылъэу «Габукай – Теучежхабль» зыфиIорэр;
3) Хъоткъо Самир Хьамид ыкъор – монографиеу «Адыги. Этногенез, историческая этнография, политическая история. Том 1: Этногенез и культурное наследие» зыфиIорэр.
2. Литературэм ылъэныкъокIэ:
1) Кушъу Аслъан Мурат ыкъор – тхылъэу «На седом Кавказе» зыфиIорэр;
2) Хъунэго Саидэ Ахьмэд ыпхъур – тхылъэу «СигущыIэ – дэнэ фыжь» зыфиIорэр.
3. Искусствэм ылъэныкъокIэ:
1) Къуекъо Асфар Сахьидэ ыкъор – нартхэм яхьылIэгъэ культурэ-просветительскэ программэхэу «Джэныкъо машIу», «Нартхэр» зыфиIохэрэр;
2) ЛIыбзыу Аслъан Нурдин ыкъор - «ORCHECTRA & VOKAL – LIVE SHOW» зыфиIорэ оркестрэр зыхэлэжьэрэ лъэпкъ эстрадэ проектыр;
3) Михайлов Андрей Павел ыкъор, Хабибулин Вадим Ренат ыкъор, Трутнев Сергей Алексей ыкъор, Татосян Гованес Анатолий ыкъор, авторскэ патриотическэ орэдымкIэ творческэ вокальнэ объединениеу «Вечный огонь» зыфиIорэм иколлектив – орэдэу «Россия» зыфиIорэр.
ШIэныгъэм, литературэм, искусствэм алъэныкъокIэ Адыгэ Республикэм и Къэралыгъо шIухьафтынхэр афэгъэшъошэгъэнхэмкIэ Адыгэ Республикэм и ЛIышъхьэ дэжь щызэхэщэгъэ Комиссием (ыужыкIэ Комиссиер тIозэ дгъэкIощт) творческэ, общественнэ организациехэр, научнэ коллективхэр, еджапIэхэр, культурэмрэ искусствэмрэкIэ учреждениехэр, къэбар жъугъэм иамалхэр къырегъэблагъэх шIэныгъэм, литературэм, искусствэм алъэныкъокIэ Адыгэ Республикэм и Къэралыгъо шIухьафтынхэр зыфэгъэшъошагъэмэ хъунэу къагъэлъэгъуагъэхэм атегущыIэнхэу. 2023-рэ илъэсым шышъхьэIум и 1-м нэс тышъолъэIу еплъыкIэу шъуиIэхэр мыщ фэдэ чIыпIэм щыIэ Комиссием къыIэкIэжъугъэхьанхэу: 385000. къ. Мыекъуапэ, ур. Пионерскэр, 199, я 524-рэ каб. Телефонэу шъузэрыгъозэщтыр: 57-13-57