Белгород хэкум щыпсэухэу Киев ирежим бзэджэшIагъэу зэрихьэхэрэм ыкIи Украинэм иуIэшыгъэ кIуачIэхэм гъунапкъэм къыпэIулъ чIыпIэхэм утынэу арахырэм къахэкIэу агъэкощын фаеу хъугъэхэм IэпыIэгъу ятыгъэнымкIэ партиеу «Единэ Россием» зэрихьэрэ Iофтхьабзэхэм Адыгэ Республикэр ахэлажьэ.

ПIэлъэ гъэнэфагъэкIэ цIыфхэр зыдащэгъэ пунктхэм хэгъэгум ишъолъырыбэмэ къаращыгъэ шIушIэ IэпыIэгъур алъагъэIэсыгъ.

«Сэ пшъэрылъ зэрафэсшIыгъэм те­тэу тыгъуасэ партиеу «Единэ Россием» иреспубликэ къутамэ хьылъэ тонн 20 фэдиз Белгород хэкум нагъэсыгъ. IэпыIэгъум хэхьэх псэу зэшъощтхэр, псы IэшIур, тыгъэгъэзэ дагъэр, пынджыр ыкIи нэмыкIхэр. Шъолъырым хабзэр щызыIыгъхэу егъэзыгъэ IофкIэ зиунэхэр къэзыбгынагъэхэм ренэу яIофхэм язытет щыгъуазэхэм яшIоигъоныгъэхэм такъыпкъырыкIызэ мы охътэ благъэхэм джыри шIушIэ IэпыIэгъур анэдгъэсыщт», — къаригъэхьагъ Адыгеим и ЛIышъхьэ социальнэ хъытыухэм.