2023-рэ илъэсым мэкъуогъум и 22-м, шъыгъо-шIэжь Мафэм, зэрэхэгъэгоу зы такъикъэ щышъыгъощтых. Урысыем щыпсэухэрэм Хэгъэгу зэошхом и ЛIы­хъужъхэу фэхыгъэхэм, гъаблэмрэ уз­хэмрэ арылIыкIыгъэхэм, концлагерьхэм адэкIодагъэхэм шъхьащэ афашIыщт.

2023-рэ илъэсым мэкъуогъум и 22-м, шъыгъо-шIэжь Мафэм, зэрэхэгъэгоу зы такъикъэ щышъыгъощтых. Урысыем щыпсэухэрэм Хэгъэгу зэошхом и ЛIы­хъужъхэу фэхыгъэхэм, гъаблэмрэ уз­хэмрэ арылIыкIыгъэхэм, концлагерьхэм адэкIодагъэхэм шъхьащэ афашIыщт.

Шъолъыр пстэуми а зы уахътэм, сыхьатыр 12.15-м, зы та­къикъэ щышъы­гъощтых. 1941-рэ илъэсым мэкъуогъум и 22-м джа сыхьат дэдэм Германиер Советскэ Союзым къызэрэтебэнагъэм­кIэ советскэ цIыфхэм эфирымкIэ макъэ арагъэIугъагъ.

Зы такъикъкIэ телевидением, радиом, кабельнэ каналхэм, предприятиехэм, сатыушIыпIэхэм, общественнэ транспортым яIофшIэн къызэтырагъэуцощт.

Мыекъуапэ дэсхэм мы Iофтхьабзэм къыхэлэжьэнхэ, Хэгъэгу зэошхом щы­фэхыгъэ тихэгъэгогъу миллион 27-мэ зы такъикъэ афэшъыгъон алъэкIыщт.

ЗэхэщакIохэр Адыгеим исхэм къя­джэх мы Iофтхьабзэм къыхэлэжьэнхэу, сыхьатыр 12.15-м яунэе автомобильхэр къызэтырагъэуцонхэу, Хэгъэгу зэошхом щыфэхыгъэхэм афэшъыгъонхэу.