Сергей Шевелевым пэщэ IэнэтIитIу зэрэзэрихьащтым, Кавказ заповедникым идиректорэу ар къызэрэнэжьырэм ыкIи Шъачэ илъэпкъ парк ипащэ ипшъэрылъхэр зэригъэцэкIэщтхэм афэгъэхьыгъэ унашъом Урысые Федерацием чIыопс къэкIуапIэхэмкIэ ыкIи экологиемкIэ иминистрэ кIэтхэжьыгъ.

[caption id="attachment_134378" align="aligncenter" width="800"] Кавказ заповедникым ихъарзынэщ.[/caption] Сергей Шевелевым Шъачэ ­илъэпкъ парк ипащэ ипшъэрылъхэр мэкъуогъум и 13-м ыгъэцакIэхэу ыублагъ. Министерствэм къызэ­ритыгъэмкIэ, «пэщэ IэнэтIитIу ащ зэрэзэрихьащтыр къэралыгъо политикэ зыкIыр заповедникхэм ащыгъэцэкIэгъэным фэIорышIэщт». Лъэпкъ паркым иIофышIэхэр пэщакIэм нэIуасэ фашIыгъэх, зэ­Iу­кIэ заулэу зэхащагъэхэм директорыкIэр япащэу Iоф зыдашIэщт лъэныкъохэр ащагъэнэфагъэх. Шевелев Сергей Георгий ыкъор 1959-рэ илъэсым бэдзэогъум и 14-м къэхъугъ. 1983-рэ илъэсым къыщегъэжьагъэу Кавказ къэра­лыгъо заповедникым Iоф щешIэ. Къыблэ отделым иопе­ративнэ куп хэтэу лэ­жьэныр ригъажьи, пэщэ IэнатIэм нэсыгъ. 2002-рэ илъэсым мэзаем и 26-м къыщегъэжьагъэу заповедникым ипащ. Илъэсыбэ хъугъэу гуе­тыныгъэ фыриIэу Iоф зышIэрэ Сергей Шевелевым чIыопсым икъызэтегъэнэни, псэушъхьэ­хэмрэ къэкIыхэрэмрэ якъэухъумэни иIахьышхо ахишIыхьагъ. Ащ заповедникым иIофышIэхэр, волонтерхэр тыкъэзыуцухьэрэ дунаим икъэухъумэн тегъэпсыхьэгъэ проектхэм чанэу ахэ­лэжьэнхэм тырегъэгушIухьэх. Сергей Шевелевым щытхъуцIэхэу «Урысые Федерацием изаслуженнэ эколог», «Пшызэ шъолъыр изаслуженнэ мэзлэжь», «Адыгэ Рес­публикэм изаслуженнэ эколог», «Къэрэщэе-Щэрджэс Республикэм изаслуженнэ мэзлэжь» зыфиIохэрэр, орденэу «Хэгъэгум ыпашъхьэ гъэхъагъэу щыриIэхэм афэшI» зыфиIоу я II-рэ шъуашэ зиIэр къыфагъэшъошагъэх. Кавказ заповедникым ипресс-къулыкъу.