Адыгэ Республикэм и Законэу «Фэтэрыбэу зэхэт унэхэм ячIыпIэхэу зэдагъэфедэхэрэм гъэцэкIэжьын IофшIэн игъэкIотыгъэхэр игъом яшIылIэгъэнхэмкIэ Iофыгъо заулэмэ яхьылIагъ» зыфиIорэм зэхъокIыныгъэхэр фэшIыгъэнхэм фэгъэхьыгъ.

Адыгэ Республикэм и Къэралыгъо Совет — Хасэм 2023-рэ илъэсым жъоныгъуакIэм и 31-м ыштагъ А 1-рэ статьяр. Адыгэ Республикэм и Законэу «Фэтэрыбэу зэхэт унэхэм ячIыпIэхэу зэдагъэфедэхэрэм гъэцэкIэжьын IофшIэн игъэкIотыгъэхэр игъом яшIылIэгъэнхэмкIэ Iофыгъо заулэмэ яхьы­лIагъ» зыфиIорэм зэхъокIыныгъэхэр фэшIыгъэнхэм фэгъэхьыгъ Адыгэ Республикэм и Законэу 2013-рэ илъэсым шышъхьэIум и 1-м аштагъэу N 225-р зытетэу «Фэтэрыбэу зэхэт унэхэм ячIыпIэхэу зэдагъэфедэхэрэм гъэцэкIэжьын IофшIэн игъэкIотыгъэхэр игъом яшIылIэгъэнхэмкIэ Iофыгъо заулэмэ яхьылIагъ» зыфиIорэм (Адыгэ Республикэм ихэбзэгъэуцугъэ зэхэугъоягъэхэр, 2013, N 8; 2014, N 4, 12; 2015, N 3, 12; 2016, N 3, 4, 12; 2018, N 5, 11; 2019, N 8; 2021, N 12; 2022, N 10) мыщ фэдэ зэхъокIыныгъэхэр фэшIыгъэнхэу: 1) я 2-рэ статьям я 711-рэ, я 712-рэ пунктхэр хэгъэхъогъэнхэу ыкIи ахэр мыщ тетэу къэтыгъэнхэу: «711) фэтэрыбэу зэхэт унэм ичIыпIэхэу зэдагъэфедэхэрэм ягъэцэкIэжьынкIэ фэIо-фашIэхэу ыкIи (е) IофшIэнхэу капитальнэ гъэцэкIэжьынымкIэ фондым имылъку щыщ къызыфатIупщыхэрэр ыкIи Урысые Федерацием псэупIэхэмкIэ и Кодекс ия 166-рэ статья иа 1-рэ Iахь зигугъу къышIырэ спискэм хахьэхэрэр гъэнэфэгъэнхэу; 712) фэтэрыбэу зэхэт унэм гъэцэкIэжьын IофшIэн игъэкIотыгъэхэр ешIылIэгъэнхэмкIэ фэIо-фашIэхэу ыкIи (е) IофшIэнэу агъэцэкIагъэхэмкIэ актым зэрэкIэтхэжьыхэрэ шIыкIэр, пIалъэхэр гъэнэфэгъэнхэу, джащ фэдэу а актым кIэтхэжьыщтхэр зэрэзэдэлэжьэнхэ фэе шIыкIэр гъэнэфэгъэнэу;»; 2) я 14-рэ статьям иа 1-рэ Iахь хэт гущыIэхэу «Адыгэ Республикэм иреспубликэ бюджет щыщ ­мылъку афатIупщызэ» зыфиIохэрэр гущыIэхэу «Адыгэ Рес­публикэм иреспубликэ бюджет исубсидиехэр аIэкIагъахьэхэзэ» зыфиIохэрэмкIэ зэблэхъугъэнхэу. Я 2-рэ статьяр. Мы Законым кIуачIэ иIэ зы­хъурэр Официальнэу къызыхаутырэ мафэм щегъэжьагъэу мы Законым кIуачIэ иIэ мэхъу. Адыгэ Республикэм и ЛIышъхьэу КъумпIыл Мурат къ. Мыекъуапэ, мэкъуогъум и 5, 2023-рэ илъэс N 215