Адыгэ Республикэм и Законэу «Социальнэ-культурэ, коммунальнэ мэхьанэ зиIэ псэуалъэхэу аукцион хэмытэу бэджэндэу аратырэ чIыгу Iахьхэм атырашIыхьащтхэмкIэ, инвестиционнэ проектышхохэу щагъэцэкIэщтхэмкIэ шапхъэу щыIэхэм яхьылIагъ» зыфиIорэм иа 1-рэ статья зэхъокIыныгъэ фэшIыгъэным фэгъэхьыгъ. Адыгэ Республикэм и Къэралыгъо Совет — Хасэм 2023-рэ илъэсым жъоныгъуакIэм и 31-м ыштагъ А 1-рэ статьяр. Адыгэ Республикэм и Законэу «Социальнэ-культурэ, коммунальнэ мэхьанэ зиIэ псэуалъэхэу аукцион хэмытэу бэджэндэу аратырэ чIыгу Iахьхэм атырашIыхьащтхэмкIэ, инвестиционнэ проектышхохэу щагъэцэкIэщтхэмкIэ шапхъэу щыIэхэм яхьылIагъ» зыфиIорэм иа 1-рэ статья зэхъокIыныгъэ фэшIыгъэным фэ­гъэхьыгъ Адыгэ Республикэм и Законэу 2015-рэ илъэсым шышъхьэIум и 6-м аштагъэу N 454-р зытетэу «Социальнэ-культурэ, коммунальнэ мэхьанэ зиIэ псэуалъэхэу аукцион хэмытэу бэджэндэу аратырэ чIыгу Iахьхэм атырашIыхьащтхэмкIэ, инвестиционнэ проектышхохэу щагъэцэкIэщтхэмкIэ шапхъэу щыIэхэм яхьылIагъ» зыфиIорэм (Адыгэ Республикэм ихэбзэгъэуцугъэ зэхэугъоягъэхэр, 2015, N 8; 2016, N 8; 2017, N 12; 2019, N 6; 2021, N 3; 2022, N 12) иа 1-рэ статья зэхъокIыныгъэ фэшIыгъэнэу, а 1-рэ пунктым хэт гущыIэхэу «е физическэ культурэмрэ спортымрэ» зыфиIохэрэр гущыIэхэу «физическэ культурэмрэ спортымрэ, кIэлэцIыкIухэм языгъэпсэфыгъо уахътэ зэхэщэгъэныр» зыфиIохэрэмкIэ зэблэхъугъэнхэу. Я 2-рэ статьяр. Мы Законым кIуачIэ иIэ зы­хъурэр Официальнэу къызыхаутырэ мафэм щегъэжьагъэу мы Законым кIуачIэ иIэ мэхъу. Адыгэ Республикэм и ЛIышъхьэу КъумпIыл Мурат къ. Мыекъуапэ, мэкъуогъум и 5, 2023-рэ илъэс N 218