Адыгэ Республикэм ичIыгу Iахьхэм якадастрэ уасэкIэ кIэуххэу Адыгэ Республикэм мылъку зэфыщытыкIэхэмкIэ и Комитет 2022-рэ илъэсым Iоныгъом и 19-м ышIыгъэ унашъоу N 323-р зытетэу «Адыгэ Республикэм ичIыгу Iахьхэм якадастрэ уасэкIэ, Адыгэ Республикэм имуниципальнэ районхэм (къэлэ койхэм) ячIыгухэм якадастрэ уасэкIэ кIэуххэр ухэсыгъэнхэм ехьылIагъ» зыфиIорэмкIэ аухэсыгъэхэм зэхъокIыныгъэхэр афэшIыгъэнхэм фэгъэхьыгъ.

2016-рэ илъэсым бэдзэогъум и 3-м аштэгъэ Федеральнэ законэу N 237-р зытетэу «Къэралыгъо кадастрэ уасэм ехьылIагъ» зыфиIорэм ия 15-рэ, ия 21-рэ статьяхэм, Адыгэ Республикэм иминист­рэхэм я Кабинет 2008-рэ илъэсым бэ­дзэ­огъум и 2-м ышIыгъэ унашъоу N 118-р зытетэу «Адыгэ Республикэм мылъку зэфыщытыкIэхэмкIэ и Комитет фэгъэхьыгъэ Положением ехьылIагъ» зыфиIорэм адиштэу, Адыгэ Республикэм икъэралыгъо бюджет учреждениеу «Къэралыгъо кадастрэ уасэмкIэ Адыгэ республикэ гупчэм» 2023-рэ илъэсым жъоныгъуакIэм и 5-м ышIыгъэ унашъохэу NN 12-р, 13-р, 15-р зытетхэр IэубытыпIэ къызыфэсшIыхэзэ унашъо сэшIы: 1. 2022-рэ илъэсым щылэ мазэм и 1-м ехъулIэу Адыгэ Республикэм ичIыгу Iахьхэм якадастрэ уасэу агъэнэфагъэхэмкIэ кIэуххэу Адыгэ Республикэм мылъку зэфыщытыкIэхэмкIэ и Комитет 2022-рэ илъэсым Iоныгъом и 19-м ышIыгъэ унашъоу N 323-р зытетэу «Адыгэ Республикэм ичIыгу Iахьхэм якадастрэ уасэкIэ, Адыгэ Республикэм имуниципальнэ районхэм (къэлэ койхэм) ячIыгухэм якадастрэ уасэкIэ кIэуххэр ухэсыгъэнхэм ехьылIагъ» зыфиIорэмкIэ аухэсыгъэхэм зэхъокIыныгъэхэр афэшIыгъэнхэу, а 1-рэ гуадзэм ия 143660-рэ, ия 231313-рэ, ия 254931-рэ пунктхэр мыщ тетэу къэтыгъэнхэу:

2. Адыгэ Республикэм мылъку зэфыщытыкIэхэмкIэ и Комитет кадастрэ уасэхэм ягъэ­нэфэнкIэ ыкIи аукционхэм язэхэщэнкIэ иотдел мы унашъор официальнэу къаригъэхьанэу: — Адыгэ Республикэм икъэралыгъо хабзэ игъэцэкIэкIо къулыкъухэм яофициальнэ Интернет-сайтэу http://www.adygheya.ru зыфиIорэм; — гъэзетхэу «Советскэ Адыгеимрэ» ­«Адыгэ макъэмрэ». 3. 2016-рэ илъэсым бэдзэогъум и 3-м аштэгъэ Федеральнэ законэу N 237-р зытетэу «Къэралыгъо кадастрэ уасэм ехьылIагъ» зыфиIорэм ия 18-рэ статья диштэу мы унашъом иа 1-рэ пункт зигугъу къышIырэ чIыгу Iахьым икадастрэ уасэ ехьылIэгъэ къэбархэр гъэфедэгъэнхэу. 4. Мы унашъом кIуачIэ иIэ зыхъурэм ще­гъэжьагъэу мэфищым къыкIоцI Адыгэ Респуб­ликэм мылъку зэфыщытыкIэхэмкIэ и Комитет кадастрэ уасэхэм ягъэнэфэнкIэ ыкIи аукционхэм язэхэщэнкIэ иотдел ащ икопие къэралыгъо регистрациемкIэ, кадастрэмкIэ ыкIи картографиемкIэ Федеральнэ къулыкъум IэкIигъэхьанэу. 5. Официальнэу къызыхаутырэ мафэм щегъэжьагъэу мы унашъом кIуачIэ иIэ мэхъу. Комитетым итхьаматэу И. П. Бочарникова къ. Мыекъуапэ, жъоныгъуакIэм и 31-рэ, 2023-рэ илъэс N 197