Мы къыдэкIыгъор лъэпкъ губзыгъагъэм фэгъэхьыгъ, ащ Урысыем щы­псэурэ лъэпкъхэм ягущыIэжъхэр ыкIи гущыIэ щэрыохэр къыдэхьагъэх.

Антологием цIыф лъэпкъ 65-м абзэхэмкIэ, диалект 22-м ыкIи ячIыпIабзэкIэ гущыIэжъхэр, гущыIэ щэрыохэр урысыбзэкIэ зэдзэкIыгъэхэу къыдэхьагъэх. Адыгэ лъэпкъ губзыгъагъэмкIэ Iахьым гущыIэжъ ыкIи IорIотэ 330-рэ къыдэхьагъ, ахэм нэ­кIубгъо 12 аубытыгъ нэкIубгъо 680-м щыщэу. Мыхэр зэзгъэу­Iугъэу, къыдэкIыгъом фэзгъэ­хьазырыгъэр филологие шIэ­ныгъэ­хэмкIэ докторэу, Адыгэ Респуб­ликэм шIэныгъэмкIэ изаслу­женнэ IофышIэшхоу, гуманитар ушэтынхэмкIэ Адыгэ республикэ институтэу Т. КIэращэм ыцIэ зыхьырэм фольк­лорымкIэ иотдел ипащэу Цуекъо Нэфсэт.

«Народная мудрость» зыфиIорэр антологием ия 6-рэ тхылъ, ар лъэпкъ литературэхэр кIэугъоегъэнхэм ыкIи лъыгъэ­кIотэгъэнхэм фэлэжьэрэ проектым ишIуагъэкIэ къыдэкIыгъ. Ащ ыпэкIэ «Прозэр», «Поэзиер», «КIэлэцIыкIу литературэр», «Драматургиер», «Художественнэ публицистикэр», адыгэ авторхэм япроизведениехэр зыдэтхэр къыхаутыгъэх.

Урысыем щыпсэурэ цIыф лъэпкъхэм яджырэ литературэ иантологие тхылъи 6-м къаIуа­тэрэм ыкIи арытым проектэу «Портал национальных ли­те­ратур — Россия для всех» иразделэу «Жанры» зэрыт сай­тымкIэ зыфэбгъэнэIосэн плъэ­кIыщт.

(Тикорр.).