Унашъом кIуачIэ иIэ хъугъэ
Электроннэ шIыкIэм тетэу «амыгъэкощырэ мылъку хъызмэтым» епхыгъэ къагъэхьыгъэ документ мини 6 фэдиз зэхафыгъах ыкIи атхыгъах.
Адыгэ Республикэм ис хъулъфыгъэм гъэпцIагъэкIэ бюджет ахъщэ къызэрэзIэкIигъэхьагъэм епхыгъэ уголовнэ IофымкIэ хьыкумым иунашъо кIуачIэ иIэ хъугъэ.
ЩынэгъончъэнымкIэ федеральнэ къулыкъухэм яIофышIэхэм зэрагъэунэфыгъэмкIэ, М. М. Мирзахановым адэбз уз иIэ фэдэу документ нэпцIхэр Урысые Федерацием ПенсиехэмкIэ ифонд Адыгэ РеспубликэмкIэ и ГъэIорышIапIэ Тэхъутэмыкъое районымкIэ иотдел рихьылIи, хэбзэнчъэу сомэ мин 750-м ехъу къызIэкIигъэхьагъ.
Урысые Федерацием хэгъэгу кIоцI IофхэмкIэ и Министерствэ Тэхъутэмыкъое районымкIэ иотдел оперативнэ-лъыхъон Iофтхьабзэхэр зэрихьагъэх. Къэлэ гъэпсыкIэ зиIэ поселкэу Яблоновскэм дэс хъулъфыгъэу илъэс 36-рэ зыныбжьым Урысыем и Уголовнэ кодекс ия 159.2-рэ статья ия 3-рэ Iахь диштэу уголовнэ Iоф къыфызэIуахыгъ.
Тэхъутэмыкъое район хьыкумым М. М. Мирзахановыр ыгъэмысагъ, Урысыем и Уголовнэ кодекс ия 159.2-рэ статья ия 3-рэ Iахь диштэу сомэ мини 120-рэ тазырэу тырилъхьагъ.
Адыгэ Республикэм ипрокуратурэ идэо тхылъэу М. Мирзахановым хэбзэнчъэу къызIэкIигъэхьэгъэ ахъщэр къегъэпщыныжьыгъэным фэгъэхьыгъэм дырагъэштагъ.
ЩынэгъончъэнымкIэ федеральнэ къулыкъум и ГъэIорышIапIэу АР-м щыIэм ипресс-къулыкъу.