Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ къызэритыгъэмкIэ, наркотикхэр, Iашэ­хэр, щэгынхэр Урысыем игъу­напкъэ хэбзэнчъэу зэпырызы­щынэу фежьэхэрэм Уголовнэ кодексым ия 226.1-рэ ыкIи ия 229.1-рэ статьяхэм адиштэу уголовнэ пшъэ­дэкIыжь арагъэхьы.

Урысыем и Уголовнэ кодекс ия 226.1-рэ статья къызэрэщиIорэмкIэ, щэ­наут зыхэлъ, къэон зылъэ­кIыщт, радиоактивнэ веществохэр, ядернэ материалхэр, агъэорэ Iашэхэр, дзэ техникэр, стратегическэ мэхьанэ зиIэ товар­хэр, культурэ шIуагъэ зыпылъ пкъыгъохэр, ма­кIэу узIукIэжьырэ псэу­шъ­хьэхэу, къэкIырэ лъэпкъ­хэу Урысые Федерацием и Тхылъ плъыжь дэхьа­гъэхэр, дунэе зэзэгъы­ныгъэхэу зэдашIыгъэхэм атегъэпсыхьагъэу анахь лъэшэу къагъэгъунэхэрэр Урысые Федерацием икъэ­ралыгъо гъунапкъэ хэбзэнчъэу зэпырызыщынэу фежьэхэрэм уголовнэ пшъэдэкIыжь арагъэхьы, илъэсищым къыщыублагъэу илъэсиблым нэс хьапс атыралъхьэ.

Стратегическэ мэхьа­нэшхо зиIэ товархэмрэ къэкIуапIэхэмрэ зыухэсыхэрэр Урысые Феде­рацием и Правительств ары. Культурэ мэхьанэ зиIэ пкъыгъохэм ахалъы­тэхэрэр сомэ миллионым шIокIырэ уасэ зиIэхэр ары. Наркотикхэмрэ психотропнэ веществохэмрэ къэралыгъо гъунапкъэм хэбзэнчъэу зэпырызыщы­нэу фежьэхэрэм илъэсищым къыщыублагъэу илъэ­сиблым нэс хьапс атыралъхьан алъэкIыщт.

Икъулыкъу IэнатIэ къыз­фигъэфедэзэ пэщэныгъэ зезыхьэрэм е зэхэщэгъэ куп горэм а ве­ществохэу зигугъу къэтшIыгъэхэр бэдэдэ хъоу ращынхэу зыфежьэхэкIэ, илъэс 20-м нэс е егъэшIэрэ хьапс атыралъхьан алъэкIыщт.

ЩынэгъончъэнымкIэ федеральнэ къулыкъум и ГъэIорышIапIэу АР-м щыIэм ипресс-къулыкъу