ЩынэгъончъэнымкIэ федеральнэ къулыкъум иIофышIэхэм зэра­гъэу­нэфыгъэмкIэ, Урысыем ицIыфэу Д. М. Раджабовам УФ-м Пен­сие­хэмкIэ ифонд и ГъэIорышIапIэу АР-м щыIэм Тэхъутэмыкъое райо­нымкIэ иотдел сэкъатыныгъэ зэри­IэмкIэ страховой тыныр къаIихыным фэшI документ нэпцIхэр ритыгъ, ащ къыхэкIэу сомэ мин  670-м ехъу къызIэкIигъэхьагъ. ЩынэгъончъэнымкIэ фе­деральнэ къулыкъум къыгъэхьазырыгъэ материалхэмкIэ УФ-м и Следственнэ комитет иследственнэ ГъэIорышIапIэу АР-м щыIэм оперативнэ-лъыхъун Iофтхьабзэхэр зэрихьагъэх. Ащ зэфэ­хьысыжьэу фэхъугъэмкIэ, Дагъыстан Республикэм ит псэупIэу Шиле щыщ бзылъфыгъэу илъэс 36-рэ зыныбжьым гъэпцIэн бзэ­джэшIагъэ зэрэзэрихьа­гъэм фэшI уголовнэ Iоф къыфызэIуахыгъ. Тэхъутэмыкъое район хьыкумым Д. М. Раджабовам лажьэ иIэу ыгъэу­нэфыгъ, тазырэу сомэ ми­ни 110-рэ тырилъхьагъ. Ащ нэмыкIэу АР-м ипрокуратурэ даоу къытыгъэм къыпкъырыкIыхэзэ, Д. М. Раджабовам хэбзэн­чъэу къаIихыгъэ ахъщэ тыныр къэралыгъом ифедэ хэлъэу къыIахыжьыгъ. ЩынэгъончъэнымкIэ федеральнэ къулыкъум и ГъэIорышIапIэу АР-м щыIэм ипресс-къулыкъу.