2023-рэ илъэсыр къызихьагъэм къыщыублагъэу Рос­ре­естрэм и ГъэIорышIапIэу Адыгэ Республикэм щыIэм фэтэрыбэу зэхэт унэ 15 кадастрэ учетым хигъэуцуагъ

Къат пчъагъэу зэтет унэр, нахьыбэрэмкIэ ар шIыгъакIэ, адрэ амыгъэкощырэ мылъкоу щыIэхэм афэдэу ЗыкI къэралыгъо реестрэм хагъахьэх. Унэр кадастрэ учетым хамы­гъэуцуагъэ зыхъурэм, ащ хэт фэтэрхэри хагъэуцонхэ алъэкIырэп, ащ къы­хэкIэу фэтэрхэр зэзыгъэгъотыхэрэм ахэр яунаеу агъэпсышъухэрэп, тучанхэри, офиснэ унэхэри ахэм ахэхьэх.

Унэм дакIоу, щыпсэунхэу е щымыпсэунхэу агъэфедэхэрэ чIыпIэхэри къыдалъытэх, машинэ чIыпIэхэр, хьап-щыпхэм афыхэхыгъэхэр, зэкIэ зэ­лъытыгъэр метрэ пчъагъэу зэрэхъухэрэр ыкIи зыкIящыкIагъэхэр ары.

Кадастровэ учетым хэбгъэуцоным къикIырэр унакIэ зэрэщыIэр къэб­гъэлъэгъоныр ары. А Iоф­тхьабзэр загъэцакIэрэм унэм изытети къэнафэ. Ащ фэдэ гъэунэфыгъэ псэуалъэр ары етIанэ унэе фитыныгъэр къэзытырэр.

Хэт фэтэрыбэу зэхэт унэр кадастровэ учетым хэзгъэуцошъущтыр?

Росреестрэм лъэIу тхылъ езытын зылъэ­кIыщтхэр:чIыпIэ зыгъэIорышIэ­жьыным икъулыкъухэр,ащ фэдэ апшъэ дэфэнэу щытмэ (нахьыбэрэмкIэ архитектурнэ комитетыр е къэлэ администрациер);унэр зышIыгъэр (Iофыр ыгъэпсынкIэным фэшI,ау ар агъэпсэолъэнымкIэ фитыныгъэр къыдихыгъа­хэу щытмэ).

Къэралыгъо кадаст­ровэ учетым унэр е унэ хэхыгъэхэр хэбгъэуцуагъэмэ къэзыгъэнэфэрэ тхьапэр ЕГРН-м къеты. Ащ итхэгъэнэу щытхэр:учетым зыщыхагъэу­цогъэ уахътэр ыкIи ащ лъапсэу фэхъугъэр;объектым изытет шъхьа­Iэхэр, къэбарэу пылъыр (иадрес, къат пчъагъэу зэ­рэхъурэр, иинагъ ыкIи нэмыкIхэр);кадастровэ номерыр (учетым зыхагъэуцорэ ужым къыраты, псэуалъэр щэтыфэ зэблахъурэп);псэуалъэмкIэ фитыныгъэу иIэр.

Росреестрэм и ГъэIорышIапIэ къыкIегъэтхъы: фэтэрыбэ зэхэт унэр уче­тым хамыгъэуцуагъэу ащ хэхьэрэ фэтэрхэр е нэмыкI псэуалъэхэр унаеу пшIыжьынхэ плъэкIыщтэп. Арышъ, лъэIу тхылъыр птыным ыпэкIэ ар учетым хэтмэ зэбгъэшIэн фае.

Унэр учетым хагъэу­цуагъэмэ зэбгъэшIэшъущт Росреестрэм иэлектроннэ сервисэу Справочная информация по объектам недвижимости в ре­жиме online зыфиIорэм узыхахьэрэм. Мы сервисым амыгъэкощрэ мылъкоу ЕГРН-м щатхыгъэр зэкIэ къыщеты. Псэуа­лъэм икадастровэ номер ыкIи адресыр джащ фэдэу ащ ибгъотэщт.

Публичнэ кадастровэ картэм ишIуагъэкIэ унэм икъэбар джащ фэдэу зэбгъэшIэн плъэкIыщт. Фэтэ­рыбэу зэхэт унэр учетым хагъэуцуагъэмэ ууплъэкIуным пае сайтэу Росреестрэм иIэм ухэхьан ыкIи ыбгъукIэ щыIэ едзыгъоу «Публичная кадастровая карта» зыфиIорэр къызэIупхын фае, ащ ыуж адресымкIэ узыфаем улъы­хъущт.