Непэ Росреестрэм ихэушъхьафыкIыгъэ сайт цIыфхэм, сатыушI сообществэм адэлэжьэгъэным фытегъэпсыхьагъ, мафэ къэс хэхъоныгъэ ешIы

Росреестрэм исайт сер­висыбэ ит, ахэмкIэ мыкощырэ мылъкум фэгъэхьыгъэ къэбархэм защыбгъэгъозэн плъэкIыщт. Ахэм зэу ащыщ ЗэIухыгъэ кадастровэ картэр. «ЗэIухыгъэ кадастровэ картэр ущызгъэ­гъозэрэ ресурс, ЗыкI къэ­ралыгъо реестрэм мыкощырэ мылъкоу щатхыгъэр ибгъо­тэщт, онлайн шIыкIэм те­тэу узфэе къэбарым зыщыщыбгъэгъозэшъущт.

«Ащ фэдэ картэр нэбгырэ пэпчъ ыгъэфедэн амал иI, ащ пае сайтым зыщыптхын ищыкIагъэп, уфаемэ, ущыкIэупчIэнышъ, фэIо-фашIэм ыпкIэ рыпты­шъуни плъэкIыщт», — къыIотагъ Росреестрэм ишъолъыр ГъэIорышIапIэ ипащэу Марина Никифоровам.

ЗэIухыгъэ картэм тхыгъэ закъоп ибгъотэщтыр, ащ графическэ шIыкIэри ит. Псэуалъэр зыдэщыт чIыпIэр, ащ икадастровэ квартал, гъунэгъу чIыгу­хэр ащ иплъэгъощтых (чIыгу Iахьыр, унэр).

Джащ фэдэу чIыпIэу къыхэпхыгъэм игъу­напкъэхэр хэушъхьафыкIыгъэ шъолъырым, культурнэ кIэным аха­хьэ­мэ ущыщыгъозэщт. «Цифровые ортофотопланы» зыфиIорэ едзыгъор къыз­фэбгъэфедэмэ, чIыпIэм исурэт уеплъын плъэкIыщт.

Едзыгъоу «ПсэуалъэкIэ бгъэфедэшъущт чIыгур» зыфиIорэм ишIуагъэкIэ унэ зыщыпшIын плъэкIыщт чIыгухэр къыхэбгъэщы­шъущтых, ар къыуатыным фэшI хэбзэ къулыкъухэм макъэ ябгъэIун амали къыуеты.

«Фаемэ зэкIэми а сервисыр агъэфедэнэу гъэ­псыгъэ, зэIухыгъ, шап­хъэхэм адештэ. Картэр чэщи мафи мэлажьэ, зэпыурэп, къэбарыкIэхэр ра­гъэхьэ зэпытых», — къыIотагъ Роскадастрэм Адыгэ РеспубликэмкIэ и ГъэIорышIапIэ ипащэу ХъуакIо Аюбэ.