Мэлылъфэгъум и 15-м къыщыублагъэу Мыекъуапэ къы­щызэIуахыгъэу зэзэгъыныгъэкIэ къулыкъу зыхьы зышIои­гъохэр къызщыхахырэ гупчэм Iоф щешIэ, мэкъуогъум и 12-м, Урысыем и Мафэ, ащ фэдэ чIыпIэ къыщы­зэ­Iуахыгъагъ Лениным ыцIэ зыхьырэ гупчэм.

[caption id="attachment_134144" align="aligncenter" width="800"] А.Балабась[/caption] ШIоигъоныгъэ зиIэ пстэу­ри ащ екIолIэнхэшъ, къулыкъур зытегъэпсыхьагъэр, шIуагъэу пылъхэр, цIыфхэр къызэрэхахыхэрэ шIыкIэр зэрагъэшIэн амал яIагъ. Дзэм къулыкъу щахьы­шъущт УФ-м ицIыфхэу зы­ныбжь илъэс 18-м къыщыублагъэу илъэс 60-м нэсыхэрэм, гъэсэныгъэ шъхьаIэм нахь мымакIэу зиIэхэм. Апшъэрэ ыкIи гу­­рыт сэнэхьат гъэсэныгъэ зиIэхэм дзэ къулыкъоу зы илъэсым телъытагъэм ычIыпIэкIэ зэзэгъыныгъэ­кIэ илъэситIу къулыкъу къы­хахын алъэкIыщт. УФ-м и Президентэу Владимир Путиным иунашъокIэ дзэ­къулыкъушIэм зэтыгъоу сомэ мини 195-рэ ратынэу къыдыхэлъытагъ, джащ фэдэу Адыгеим и ЛIышъхьэ ыгъэнэфэгъэ сомэ мини 100 ратыщт. ФэгъэкIотэны­гъэу зэзэгъыныгъэ зышIыгъэм имызакъоу, иунагъо щыщхэми ателъытагъэхэр агъэфедэшъущтых. [caption id="attachment_134145" align="aligncenter" width="800"] А.Балабась[/caption] УпчIэу кIэлэ ныбжьыкIэхэр зыгъэгумэкIырэ пстэуми яджэуапхэр дзэ­къулыкъушIэхэм араты­жьыгъэх, зэзэгъыныгъэкIэ къулыкъум къыдыхэлъытэгъэ къэбар пстэуми ащагъэгъозагъэх. Джащ фэдэу я 3-рэ разряд зиIэ контрактымкIэ дзэ къулыкъум кIощтхэм якъыхэхын те­гъэ­псыхьэгъэ пунктэу Мые­къуапэ щылажьэрэм ипащэу Валерий Островскэм къызэрэхигъэщы­гъэмкIэ, УФ-м и УIэшыгъэ КIуа­чIэхэм къулыкъу ащыхьыгъэныр хъулъфыгъэ пэпчъкIэ щытхъу зыхэлъ Iофэу зэрэщытым имызакъоу, ежьми, иунагъуи къэра­лы­гъо IэпыIэгъу агъо­ты­ным­кIэ амалышIу. — Джырэ уахътэм зэзэгъыныгъэкIэ къулыкъу­хьыныр — шъхьэкIэфэныгъэ зыфашIырэ ыкIи лэ­жьэпкIэ ин зыпылъ Iоф­шIэн. Ащ дакIоу къэралыгъом лъэныкъо пстэумкIи дзэкъулыкъушIэхэми, ахэм яунагъо щыщхэми IэпыIэгъу арегъэгъоты. ЦIыфхэр жъугъэу къакIэупчIэх зэзэгъыныгъэкIэ къулыкъум Iофыгъоу пылъхэм, мыщ фэдэ чIыпIэхэу къызэIутхыхэрэм яшIуагъэкIэ уп­чIэу яIэхэм яджэуапхэр псынкIэу агъотынхэ алъэ­кIы. Ащ фэдэ чIыпIэ къэлэ паркым ТекIоныгъэм и Мафэ тефэу къыщызэIутхыгъагъ ыкIи бэ къытэолIэгъагъэр, — къытфиIотагъ Валерий Островскэм. Шъугу къэдгъэкIыжьын, дзэ къулыкъум зэзэгъыныгъэкIэ хахьэ зышIоигъохэм дзэ комиссариатым лъэIу тхылъ атхын фае. ЧIыпIэу зыщыпсэухэрэм елъыты­гъэу зэпхыгъэхэм зыфа­гъэзэшъущт. МыекъуапэкIэ къэбарыр мыщ фэдэ чIыпIэм щагъотышъущт: ур. Комсомольскэр, 217-рэ, телефоныр: 8(8772) 52-11-27. Джащ фэдэу шIоигъоныгъэ зиIэхэр «линие плъырым» теошъущтых —117-м ыкIи сайтэу службапоконтракту.рф зыфи­Iорэм ихьашъущтых. ЗэзэгъыныгъэкIэ къулыкъум фэгъэхьыгъэ игъэ­кIотыгъэ къэбарыр телеграм-каналэу «Адыгея — служу Родине» зыфиIорэми ит. А. Балабась.