Адыгэ Республикэм щыпсэухэу лъытэныгъэ зыфэтшIыхэрэр!

Урысыем и МафэкIэ ты­шъуфэгушIо!

Мы мэфэкIыр лIэужхэм азыфагу зэпхыныгъэ пытэ зэрилъым, IофшIэнымкIэ хэ­бзэшIухэр зэрэзэIэпахырэм, Хэгъэгум яшъыпкъэу зэрэфэ­лажьэхэрэм ятамыгъэу щыт. Урысыем ис пстэуми мыщ фэдэ мафэм амалышIу яI ти Хэгъэгушхо зэрэфэшъыпкъэ­хэр, шIу зэралъэгъурэр, ащ ихэхъоныгъэ зиIахьышIу хэзышIыхьагъэхэм лъытэныгъэ зэрафыряIэр къагъэлъэ­гъонэу. ЛIэшIэгъу пчъагъэ къызэлъызыубытырэ гъогушхо къэ­зыкIугъэ Урысыем итарихъ ащ щыпсэурэ лъэпкъхэр зэ­къотыныгъэ пытэ яIэу, тихэгъэгогъу лIэужыбэмэ ягъэ­хъагъэхэу тызэрыгушхохэрэм, щысэтехыпIэу тиIэхэм ятарихъ шIагъоу щыт. Урысыер зэбгырызыгъэзы зышIоигъо къэралыгъохэм непэ тапэуцужьын фаеу ­мэхъу. Тятэжъ пIашъэхэм хэ­бзэшIоу къытфагъэнагъэхэм тарыгъуазэзэ, шъыпкъагъэмрэ зэфа­гъэмрэ тафэбанэзэ, ти Хэ­гъэгу икъэухъумэнкIэ, игъэпытэнкIэ, таужкIэ къикIыщтхэм щыIэкIэ-псэукIэ дэгъу яIэнымкIэ тфэлъэкIырэр зэкIэ тэшIэ. Тыкъызэрэзэтенэщтым, текIоныгъэ къызэрэдэтхыщтым тицыхьэ телъ! Тиреспублики, Урысыеми яхэхъоныгъэ яIахьышIу зэрэхашIыхьэрэм, Хэгъэгум ифе­дэхэм якъэухъумэн зэрэфэ­хьазырхэм афэшI Адыгеим ис пстэуми тызэрафэразэр къэтэIо. ТичIыпIэгъу лъапIэхэр, псау­ныгъэ пытэ, щыIэкIэшIу шъуиIэнэу, Урысыем пае те­кIоныгъакIэхэр шъушIынэу тышъуфэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр