Хьапсым зэрэчIэсэу уголовнэ Iоф къыфызэIуахыгъ
УФ-м и Следственнэ комитет иследственнэ ГъэIорышIапIэу АР-м щыIэм Iоф хьылъэхэм язэхэфынкIэ иотдел хьапсым чIэс хъулъфыгъэм ылъэныкъокIэ уголовнэ Iоф къызэIуихыгъ. Ащ егуцафэх УФ-м и Уголовнэ кодекс и 282.2-рэ статья ия 2-рэ Iахь къыдилъытэрэ бзэджэшIагъэ зэрихьагъэу (экстремизмэм епхыгъэ организацием хэлажьэу).
ЩынэгъончъэнымкIэ федеральнэ къулыкъум и ГъэIорышIапIэу АР-м щыIэмрэ следственнэ ГъэIорышIапIэмрэ зэгъусэхэу къагъэхьазырыгъэ материалхэмкIэ уплъэкIунэу ашIыгъэхэм къакIэлъыкIоу уголовнэ Iофыр къызэIуахыгъ.
Следствием зэригъунэфыгъэмкIэ, лажьэ зиIэу зэгуцафэхэрэр хьапсым чIэсэу, 2019-рэ илъэсым дунэе общественнэ движениеу «Арестантское уголовное единство» («АУЕ») зыфиIорэр экстремистскэу зэралъытагъэр ыкIи ащ Урысые Федерацием Iоф щишIэнэу зэрэфимытыр ышIэзэ, 2019-рэ илъэсым мы организацием хэхьагъ.
Лажьэ зиIэу зэгуцафэхэрэр хьапсым чIэсызэ амыдэрэ экстремистскэ организациеу «Арестантское уголовное единство» зыфиIорэм иIофшIэн чанэу хэлэжьагъ. Экстремистскэ дунэееплъыкIэхэм ыкIи Урысыем Iоф щызышIэнэу фимыт движениеу «АУЕ» зыфиIорэм игупшысэ шъхьаIэхэм адыригъаштэзэ, хьапсым чIэсхэр ащ хищагъэх.
Джырэ уахътэм уголовнэ Iофым изэхэфын лъагъэкIуатэ.
УФ-м и Следственнэ комитет иследственнэ ГъэIорышIапIэу АР-м щыIэм ипресс-къулыкъу