Футболист Iэтахъохэм я Урысые зэнэкъокъоу «Кожаный мяч» зыфиIорэм икъыкIэлъыкIорэ едзыгъо Адыгеим ыцIэкIэ хэлэжьэщтхэм ащыщхэр къэнэфагъэх.

Стадионэу «Юностим» щыкIогъэ зэIукIэгъухэм командэ 15 ахэлэжьагъ, 2010 – 2011-рэ ыкIи 2012 – 2013-рэ илъэсхэм къэхъугъэхэр арых зызыушэтыгъэхэр.

НахьыкIэ ыкIи гурыт купхэм ахэт командэхэм язэIукIэгъухэр гъэшIэгъонэу кIуагъэх. Теуцожь районым икомандитIури финалым ихьагъэх, ау ешIэгъухэр ашIуахьыгъэх. Адыгэкъалэрэ

Кощхьэблэ районымрэ ялIыкIохэм текIоныгъэр къыдахыгъ. Ящэнэрэ чIыпIэм Красногвардейскэ районыр щыт.

2008 – 2009-рэ илъэсхэм къэхъугъэхэм язэнэкъокъу джыри макIо. ЕшIэгъу шъхьаIэхэр мэкъуогъум и 15-м Мыекъуапэ щыкIощтых.