Спорт жъугъэм зегъэушъомбгъугъэным ыкIи республикэм щыпсэухэрэм япсауныгъэ агъэпытэным фэщэгъэнхэм фытегъэпсыхьагъэу АР-м физическэ культурэмкIэ ыкIи спортымкIэ и Комитет Урысыем и Мафэ ихэгъэунэфыкIын ехъулIэу, мэкъуогъум и 12-м, кушъхьэфачъэмкIэ фестиваль зэхищэщт.

Гъогууанэр Мыекъуапэ иурамхэм апхырыкIыщт. Ащ хэлажьэ зышIоигъохэр пчэдыжьым сыхьатыр 8-м щегъэжьагъэу 9-м нэс Зэкъошныгъэм игупчэ (урамхэу Пионерскэмрэ Лермонтовым ыцIэ зыхьырэмрэ зыщызэхахьэхэрэм дэжь) къекIолIэнхэ ыкIи зарагъэтхын алъэ­кIыщт. Iофтхьабзэр сыхьатыр 10-м рагъэжьэщт.