Адыгэ Республикэм исоциальнэ IофышIэхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ гуфэбэныгъэ хэлъэу тышъуфэгушIо!

Шъо шъузфэлажьэрэр IэпыIэгъу зищыкIэгъэ цIыфхэм шъуишIуагъэ яжъугъэкIыныр, шъугу ифэбагъэ алъыжъугъэIэсыныр ары.

ЧIыпIэ зэжъу ифэгъэ цIыфым узэрэфэгумэкIырэр зэхишIэным, обществэм федэ къыфэзыхьырэ цIыфхэм ежьыри зэращыщыр зэхебгъэшIэным пае гукъабзэ уимыIэ хъущтэп.

Сэкъатхэм, зыныбжь хэкIотагъэхэм, сабыибэ зэрыс унагъохэм, гъот макIэ зиIэхэм, къэралыгъор зыфэгумэкIын фаеу щытхэм япхыгъэу шъуи­пшъэрылъхэр дэгъоу зэрэжъугъэцакIэхэрэм пае инэу тышъуфэраз. Социальнэ политикэм ипхырыщын шъуишъыпкъэу тапэкIи шъуиIахь зэрэхэшъушIыхьащтым тицыхьэ телъ.

Ныбджэгъу лъапIэхэр, зэкIэми тышъуфэлъаIо псауныгъэ пытэ шъуиIэнэу, шъунасыпышIонэу, шъуиIофшIэнкIи гъэхъагъэхэр шъушIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр