Социальнэ лъэныкъомкIэ Iоф зышIэхэу ыкIи иветеранхэу лъытэныгъэ зыфэсшIыхэрэр!
Социальнэ IофышIэм и Мафэ фэшI гуфэбэныгъэ хэлъэу сышъуфэгушIо!
ЩыIэныгъэм чIыпIэ зэжъу ригъэуцогъэ, къэралыгъор зыфэгумэкIын фэе цIыфхэу IэпыIэгъу зищыкIагъэхэм ящыIакIэ нахь къызэрафэжъугъэпсынкIэщтым шъуфэлажьэ.
Гуфэбэныгъ, гукIэгъу, щэIагъ, хъупхъагъ — ахэр ары социальнэ IофышIэхэм янэшэнэ шъхьаIэхэр, хъыбэй хъугъэ цIыф сымаджэхэр анахь лъэшэу зыщыгугъыхэрэм шъо шъуащыщ.
Джырэ обществэм хэхъоныгъэу ышIырэм дакIоу цIыфхэм ясоциальнэ ухъумэн изытети зэхъокIыныгъэ гъэнэфагъэхэр фэхъух. ЦIыфхэм къагъашIэрэр нахьыбэ хъунымкIэ, сэкъатныгъэ зиIэхэм IэпыIэгъу ятыгъэнымкIэ проект зэфэшъхьафхэр игъэкIотыгъэу агъэфедэхэ хъугъэ.
Шъо IэпыIэгъоу яшъутырэм ишIуагъэкIэ зыныбжь хэкIотагъэхэм, сэкъатныгъэ зиIэхэм, заомрэ IофшIэнымрэ яветеранхэм, кIэлэцIыкIухэм ыкIи унагъом — щыIэныгъэм чIыпIэ зэжъу ригъэуцогъэ пстэуми янеущрэ мафэ яцыхьэ телъэу мэхъу.
Шъузэрэхъупхъэм, шъузэрэгукIэгъум, IэпыIэгъу зищыкIагъэхэм шъузэралъыIэсырэм апае инэу сызэрэшъуфэразэр непэ къыхэзгъэщынэу сыфай. ЗэкIэми псауныгъэ пытэ шъуиIэнэу, шъунасыпышIонэу, Адыгэ Республикэм щыпсэухэрэм яфедэ зыхэлъ Iофэу жъугъэцакIэрэм гъэхъагъэхэр щышъушIынхэу шъуфэсэIо!
Адыгэ Республикэм IофшIэнымрэ социальнэ хэхъоныгъэмрэкIэ иминистрэу Мырзэ Джанбэч