ЛъэсрыкIо гъогухэр агъэкIэжьых
Кавказ биосфернэ заповедникым гъэмэфэ зекIо уахътэм зыфегъэхьазыры.
[caption id="attachment_133876" align="aligncenter" width="800"]
Сурэтыр: Кавказ биосфернэ заповедникым ипресс-къулыкъу.[/caption]
Ащ ипресс-къулыкъу къызэритыгъэмкIэ, зекIо гъогухэм анахьыбэрэр, ащ фэдэу 10 фэдиз яI, мэкъуогъум ыгузэгухэм къызэIуахыщтых. ЦIыфмэ анахьэу агу рихьырэ лъэсрыкIо гъогуиплIым яинфраструктурэ агъэцэкIэжьы, зэкIэ зэхэубытагъэу гъэрекIо ахэм арыкIуагъэр процент 80-м нэсыгъ. Ары а гъогухэм нахь зыкIягугъухэрэр.
— Адыгеим икъушъхьэу Лэгъо-Накъэ укъикIмэ Бзэрыпс ехыпIэмрэ АкIэпсынэ псыкъефэхымрэ уаIокIэ. Ахэм уздэкIощт бгъур къэзыгъэлъэгъорэ пкъэоу ащычIэIугъэхэр агъэкIэжьыщтых, уцупIэмэ аIут палаткэмэ ашъхьэхэр атырахъожьыщтых. ЕплъыпIэ площадкэхэми гъэцэкIэжьынхэр арашIылIэщтых. ЗекIо мы чIыпIэм къакIохэрэм а зэхъокIыныгъэхэм гу алъатэщт, — къыщаIотагъ заповедникым.