Мы илъэсым Урысыем иапшъэрэ еджапIэмэ мэкъуогъум и 20-м къыщыублагъэу бэдзэогъум и 25-м нэс тхылъхэр аштэщтых. Джы ахэр Урысыем и ПочтэкIэ бгъэхьынхэ плъэкIыщт.

ПисьмэкIэ е бандеролькIэ ахэр бгъэхьышъущтых. Письмэр зыдагъэхьырэм иадрес, ииндекс зэхэугуфыкIыгъэу конвертым тыратхэн фае. Почтэм икъутамэ къытырэ квитанциер уухъумэн фае, сыда пIомэ ащ тетыщт трек-номерымкIэ письмэм гъогоу ыкIурэм, зынэсыгъэм ыкIи зыфакIорэм ратыгъэмэ улъыплъэн ыкIи зэбгъэшIэн плъэкIыщт. Ащ пае сайтымрэ Урысыем и Почтэ имобильнэ приложениерэ бгъэфедэнхэ фае.

Ащ нэфэшъхьафэу, абитуриентмэ нахь псынкIэу тхылъхэр апшъэрэ еджапIэхэм афагъэхьы ашIоигъомэ, экспресс шIыкIэр (EMS) къызфагъэфедэшъущт. Къэлэ кIоцIым ахэр агъэхьыхэмэ, ащ пIалъэу зы маф пылъыр, шъолъырым икIыщтмэ — мэфищ. SMS къэбарым фэгъэхьыгъэ приложение зиIэхэр атIупщырэ письмэм лъыплъэнхэ алъэкIыщт.