ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ макъэ къегъэIу Урысые Федерацием ихэбзэгъэуцугъэу IэкIыб агентым ипшъэрылъхэр зыгъэцэкIэрэ мысатыу организациехэм яхьылIагъэм щыгъэнэфэгъэ шапхъэ­хэр къыдэзымылъытэхэрэм Урысыем и Уголовнэ кодекс ия 330.1-рэ статья диштэу уголовнэ пшъэ­дэкIыжь зэрарагъэхьыщтымкIэ, илъэси 5-м нэсэу ахэм хьапс атыралъхьан зэралъэкIыщтымкIэ.

IэкIыб агентым ипшъэрылъхэр зыгъэцэкIэрэ мысатыу организациехэм яреестрэ хэгъэхьэгъэн фэе документхэу 1996-рэ илъэсым щылэ мазэм и 12-м аштэгъэ Федеральнэ законэу N 7-р зытетэу «Мысатыу организациехэм яхьылIагъ» зыфиIорэм ия 13.1-рэ статья ия 10-рэ пункт зигугъу къышIыхэрэр языхьылIэнэу зымыдэрэ пащэм е IэкIыб агентым ипшъэрылъхэр зыгъэцэкIэрэ мысатыу организациер зэхэзыщагъэм бзэджэшIагъэ зэрихьагъэкIэ, зигугъу къэтшIыгъэ реестрэм организациер хагъэхьанымкIэ ищыкIэгъэ документхэр ышIэзэ аIэкIимыгъэхьагъэкIэ алъытэ. ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ ипресс-къулыкъу