Адыгэ Республикэм и ЛIышъхьэ фэкIо
Лъытэныгъэ зыфэтшIырэ Мурат Къэралбый ыкъор!
Адыгэ Республикэм инахьыжъхэм я Советрэ заомкIэ, IофшIэнымкIэ, УIэшыгъэ КIуачIэхэмкIэ ыкIи хэбзэухъумэкIо къулыкъухэмкIэ иветеранхэм (пенсионерхэм) я Советрэ ахэтхэр агу къадеIэу къыпфэгушIох Урысыем и Президентэу Владимир Путиным къэралыгъо тын лъапIэр — «Хэгъэгум ыпашъхьэ гъэхъагъэу щыриIэхэм апае» зыфиIорэ орденэу я IV-рэ шъуашэ зиIэр къызэрэуитыгъэмкIэ.
ЗиIоф хэшIыкIышхо фызиIэ, зиеплъыкIэхэр зэтефэрэ куп дэгъу охътэ кIэкIым къыкIоцI зэхэпщэн зэрэплъэкIыгъэм, шъукIуачIэ зэрэзэдешъухьылIэрэм яшIуагъэкIэ республикэм иэкономикэрэ икультурэрэ хэхъоныгъэ ашIыгъ, лъэгэпIакIэм нэсыгъэх. Социальнэ мэхьанэ зиIэ псэуалъэхэр агъэпсыгъэх, щыIэкIэ-псэукIэм зыкъыIэтыгъ, ыпэкIэ агъэпсыгъагъэхэр къулайныгъэ шъухэлъэу жъугъэкIэжьэу ежъугъэжьагъ. Адыгеим щыпсэурэ цIыф лъэпкъыбэмэ апашъхьэ пшъэдэкIыжьышхо зэрэщыпхьырэр зэрэзэхапшIэрэм республикэр шIум, зэгъунэгъушIу зэфыщытыкIэхэм ягъэпытэн фещэ.
Адыгеим исхэми, хэгъэгум ипащэхэми, Урысыем и Президент ышъхьэкIи уиIоф хэшIыкIышхо зэрэфыуиIэм, хабзэм игъэцэкIэкIо, ихэбзэгъэуцу къулыкъухэм яеплъыкIэхэр IэубытыпIэ къызэрэзыфэпшIыхэрэм, республикэм инароднэ хъызмэт илъэныкъо пстэуми куоу узэращыгъуазэм яфэшъошэ уасэ къызэрэфашIыгъэр лъэшэу тигуап. Ащ фэдэ тын лъапIэ къызыфагъэшъошагъэхэм къэблэжьыгъэ шъыпкъэу ори уащыщ. IофшIэнымкIэ IэпэIэсэныгъэу, цIыфыгъэу пхэлъхэм, экономикэ, политикэ Iофыгъошхохэм куоу узэращыгъуазэм, Iофхэм къакIэкIон ылъэкIыщтыр пэшIорыгъэшъэу къибдзэн, пшъэрылъ мыпсынкIэхэм язэшIохынкIэ хэкIыпIэ анахьышIухэр къэбгъотын зэрэплъэкIырэм тицыхьэ тырегъэлъы республикэм исхэм ящыIэкIэ-псэукIэ тапэкIи зыкъызэриIэтыщтым, лъэгэпIакIэхэм зэранэсыщтым.
Лъытэныгъэ зыфэтшIырэ Мурат Къэралбый ыкъор, псауныгъэ пытэ, щыIэкIэ-псэукIэ дэгъу уиIэнэу, Урысыемрэ Адыгеимрэ апае текIоныгъакIэхэмрэ гъэхъэгъакIэхэмрэ пшIынхэу тыгу къыддеIэу тыпфэлъаIо!
ГъукIэлI Нурбый. Нахьыжъхэм я Совет итхьамат.
Къоджэ Аслъан. Ветеранхэм я Совет итхьамат.