ЖъоныгъокIэ мазэр зыпкъитыныгъэ иIэу, шынэгъакIэ хэлъэу ыкIи чъыIэу икIыгъ. Мазэм иапэрэ мафэхэр фэбагъэх. Нэужым мазэр екIыфэ къыблэ ыкIи темыр атлантикэ лъэныкъохэм къарыкIыгъэ жьы чъыIэм ощх ыкIи ощх-ошъу зэхэлъ къыхьыгъ. ЖъоныгъуакIэр ом изытеткIэ щынагъоу щытыгъ: ошъу инхэр къехыгъэх, ощхышхо къещхыгъ, псыхэм зыкъаIэтыгъ. Мы мазэм ощхэу къещхыгъэр процент 60-м — 130-м нэсэу шапхъэхэм ашIокIыгъ.

ГидрометеорологиемкIэ ыкIи тыкъэзыуцухьэрэ дунаим иуп­лъэкIункIэ Гупчэм ипащэу Александр Митровым тызэрэщигъэгъозагъэмкIэ, Гурыт Азием жьы фабэр ыкIи Средиземноморьем шынэгъакIэ зыхэлъ жьыр къарыкIыщт. Температурэр гурытымкIэ шапхъэхэм ашIокIыщт, мафэхэр къыхэкIыщтых ощх къещхэу ыкIи ошъу къехэу.

Апэрэ мэфипшIыр. Чэщым фабэр градус 13 — 18, мафэм градус 24 — 29-рэ щыIэщт.

ЯтIонэрэ мэфипшIыр. Чэщым фабэр градус 15 — 20-м, мафэм градус 26 — 31-м акIэхьащт.

Ящэнэрэ мэфипшIыр. Чэщым фабэр градус 16 — 21-рэ, мафэм градус 28 — 33-рэ щыIэщт.

Мэкъумэщ культурэхэм якъэгъэкIынкIэ ом изытет гумэкIыгъо къыздихьыщтэп. Псыхъохэм адэт псыр шапхъэу щыIэхэм ашIокIыщтэп. Ау ощхыр лъэшэу къызещхырэм, псыхъохэм адэт псыр къыдэкIоен ылъэкIыщт.

КIАРЭ Фатим.