Адыгэ къэралыгъо университетым апэрэу системнэ аналитикхэм ягъэмэфэ еджапIэ щызэхащэ.

Бэдзэогъу мазэм и 10-м къы­щыублагъэу и 28-м нэс еджапIэм Iоф рагъэшIэщт, ар дэгъу дэдэу къэзыухыхэрэр хэгъэгум ит банк пэрытмэ ащылэжьэн- хэу рагъэблэгъэщтых.

ЫпкIэ хэмылъэу мыщ фэдэ IофыгъошIур резгъэкIокIырэр Совкомбанк Технологиер ары. Адыгеим, Краснодар краим ыкIи Ростов хэкум ястудентхэр ыкIи техническэ гъэсэныгъэ зиIэхэр ары щеджэнхэ амал зиIэщтхэр. Адыгэ къэралыгъо университетым ары программэр зыщагъэ­цэкIэщтыр, ар очнэ шIыкIэм тетэу кIощт.

Тхьамэфищым къыкIоцI командэ шъхьафэу гощыгъэхэу еджэщт­хэм системнэ шIэныгъэу яIэхэмкIэ заушэтыщт, проектхэм адэлэжьэщтых. Анахь дэгъоу къыхагъэщыхэрэм Совкомбанк Тенологием Iоф щашIэн амал агъотыщт. А компаниер Урысыем и ИТ-IофшIэкIо анахь дэгъуитфымэ ахалъытэ.

Адыгэ къэралыгъо университетым ипресс-къулыкъу