2023-рэ илъэсым Адыгэ къэралыгъо университетым магистратурэмкIэ ипрограммэ 28-мэ абитуриентхэр ахэдэнхэ алъэкIыщт. Апшъэрэ еджапIэм имагистратурэ учIэхьажьыным пае бюджет чIыпIи 112-рэ къафыхагъэкIыгъ, ащ ипроцент 70-р гъэсэныгъэмрэ кIэлэегъэджэ сэнэхьатымрэ ателъытагъэх.

[caption id="attachment_133582" align="aligncenter" width="800"] Сурэтыр: АКъУ[/caption]

АКъУ-м илъэс къэс гъэсэныгъэм ипрограммэхэр егъэкIэжьых, студентхэр зыфагъэхьазырырэ лъэныкъохэм зарагъэушъомбгъу, магистратурэм чIахьэ зышIоигъохэм япчъагъи хэпшIыкIэу хахъо. 2022-рэ илъэсым ахэм япчъагъэ фэдитIукIэ нахьыбэ хъугъэ. Университетым нэмыкI апшъэрэ еджапIэхэм зэпхыныгъэ адыриI, ар адэлажьэ Урысые институтэу Вавиловым ыцIэ зыхьырэм, Москва дэт физикэ-хьисап институтым, ядернэ уплъэкIунхэм апылъ институтэу къалэу Дубна дэтым, Къыблэ федеральнэ университетым ыкIи гъэсэныгъэ гупчэу «Сириусым».

2021-рэ илъэсым компаниеу ITV игъусэу магистрэ программэу «Методы и технологии искусственного интеллекта в образе изображений» зыфиIорэр зэхагъэуцуагъ. 2023-рэ илъэсым магистратурэм программищ кIэу хагъэхьагъ. Ахэр: «Физикэм изэгъэшIэнкIэ шIэныгъэ технологиеу щыIэхэр», «Астрономиер ыкIи информатикэр», «Медиакоммуникациехэр».

Адыгэ къэралыгъо университетым ипресс-къулыкъу