ЩынэгъончъэнымкIэ Федеральнэ къулыкъум АдыгеимкIэ и ГъэIоры­шIапIэ макъэ къегъэIу къулыкъум иеджапIэхэм абитуриентхэр зэра­штэхэрэмкIэ.

Илъэс заулэ хъугъэ щынэ­гъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ Урысыем щынэгъончъэнымкIэ и Федеральнэ къулыкъу иеджапIэхэм ачIэсыщт пчъагъэр игъэкъугъэным зыдэлажьэрэр. Гъэтхапэм и 1-м нэс лъэIу тхылъыр арахьылIэн фае. Бзылъфыгъэхэр зыщеджэнхэ алъэкIыщт закъор Урысыем и ФСБ и Академие IэкIыб къэралыгъуабзэхэмкIэ ифакультет ары.

Мыщ фэдэ апшъэрэ еджапIэхэм аштэхэрэр Урысые Федерацием ицIыфхэу, Донецкэ Народнэ Республикэм, Луганскэ Народнэ Республикэм, Запорожскэ, Херсон хэкухэм ащы­псэухэрэр зэрахэтхэу, гурыт гъэсэныгъэ зиIэхэр, медицинэ уплъэкIунхэр зыкIугъэхэр, зэ­нэкъокъум щыпхырыкIыгъэхэр ары.

ЗыкI къэралыгъо ушэтынымкIэ баллэу яIэхэр къызэрэда­лъытэрэм нэмыкIэу, сэнэхьатэу къыхахыгъэмкIи абитуриентхэм экзамен тедзэхэр арагъэты. ГущыIэм пае, Урысыем и ФСБ и Академие иконтрразведы­вательнэ факультет чIахьэ зы­шIоигъохэм урысыбзэмкIэ, обществознаниемкIэ, IэкIыб къэралыгъуабзэмкIэ ЕГЭ-р, об­ществознаниемкIэ ыкIи IэкIыб къэ­ралыгъуабзэмкIэ ушэтын те­дзэхэр атынхэ фае.

Зигугъу къэтшIыгъэ Акаде­мием IэкIыб къэралыгъуабзэ­хэмкIэ ифакультет чIэхьанхэм пае урысыбзэмкIэ, IэкIыб къэралыгъуабзэмкIэ, тарихъымкIэ ЕГЭ-р, IэкIыб къэралыгъуабзэмкIэ ыкIи урысыбзэмкIэ ушэтын тедзэхэр атын фае. Мы Академием прикладной хьисапымкIэ ифакультет щеджэ зышIоигъохэм урысыбзэмкIэ, хьисапымкIэ, физикэмкIэ ЕГЭ-р, хьисапымрэ физикэмрэкIэ ушэтын тедзэхэр атых.

Урысыем и ФСБ иинститутхэу пограничникхэр зыщагъэхьа­зырхэу къалэхэу Москва, Голицыно, Курган, Калининград, Ха­баровскэ адэтхэм ачIэхьанхэм пае урысыбзэмкIэ, обществознаниемкIэ, тарихъымкIэ ЕГЭ-р, тарихъымкIэ ушэтын те­дзэр атын фае.

Урысыем и ФСБ хынэпкъхэм якъэухъумэнкIэ иинститутэу къа­лэу Анапэ дэтым щеджэ зы­шIоигъохэм урысыбзэмкIэ, обществознаниемкIэ, тарихъымкIэ ЕГЭ-мрэ тарихъымкIэ ушэтын тедзэмрэ атых.

Урысыем ФСО-мкIэ и Ака­демиеу къалэу Орел дэтым автоматизированнэ системэхэмкIэ, къэбарлъыгъэIэс технологиехэмкIэ инженер сэнэхьатыр аIэ къащизыгъахьэ зышIоигъохэм урысыбзэмкIэ, физикэмкIэ, хьисапымкIэ ЕГЭ-р, хьисапымкIэ ушэтын тедзэр атын фае. Къэралыгъо гъунапкъэм икъэухъу­мэнкIэ специалист хъу зышIоигъохэм урысыбзэмкIэ, тарихъым­кIэ, обществознаниемкIэ ЕГЭ-р, хьисапымкIэ ушэтын тедзэр атын фае.

Урысыем и ФСБ иорганизациехэу гъэсэныгъэ языгъэгъотыхэрэм ачIахьэ зышIоигъохэм япсауныгъэ изытет ауплъэкIу, турникымкIэ апкъ аIэтышъумэ зэрагъашIэ, метри 100-мрэ километри 3-мрэ (бзылъфыгъэхэм километрэм) якъэчъын уахътэу пэIуагъахьэрэр агъэунэфы.

Урысыем и ФСБ иеджапIэхэм ачIахьэ зышIоигъохэу спорт разряд зи­Iэхэм, Урысые физкультурэ-спорт комплексэу «IофшIэнымрэ зыкъэу­хъумэжьынымрэ сафэ­хьа­зыр» (ГТО) зыфиIо­рэм итамыгъэхэр къызыфагъэшъошагъэхэм баллэу къахьыгъэхэм балл тедзэхэри афытыра­гъахъо:

— Урысыем спортымкIэ имастерэу дунэе класс зиIэм — балл 20;

— Урысыем спортымкIэ имастер — балл 15;

— спортым имастерынымкIэ кандидатым — балли 10;

— апэрэ спорт разряд зиIэм — балли 7;

— ятIонэрэ спорт разряд зиIэм — балли 5;

— ящэнэрэ спорт разряд зиIэм — балли 3;

— ГТО-м идышъэ тамыгъэ зиIэм — балли 5;

— ГТО-м итыжьын тамыгъэ зиIэм — балли 3.

Урысыем и ФСБ иеджапIэ ия 2-рэ курс исым ыныбжь илъэс 18 зикъукIэ, еджэфэкIи, еджапIэр къызиухырэ нэуж илъэси 5 тешIэфи дзэ къулыкъур зэри­хьыщтымкIэ зэзэгъыныгъэ аде­шIы. Урысыем и ФСБ дзэ къулыкъур зэрэщахьыщт шIыкIэр федеральнэ законхэу «Дзэм къулыкъу щахьынымкIэ пшъэ­рылъэу яIэмрэ дзэ къулыкъумрэ яхьылIагъ», «Дзэ къулы­къушIэхэм ястатус ехьылIагъ», «ЩынэгъончъэнымкIэ феде­ральнэ къулыкъум ехьылIагъ» зыфиIохэрэм ащыгъэнэфагъ.

Урысыем и ФСБ иеджапIэхэм ачIэсхэм ыпкIэ хэмылъэу щыгъын къараты, рагъаджэх, общежитием рагъэсых.

Зэзэгъыныгъэ адэзышIыгъэ дзэ къулыкъушIэхэм фитыныгъэ яI:

— отпуск шъхьаIи, отпуск тедзи, еджэгъу лъэхъанми отпуск къаратынэу;

— ыпкIэ хэмылъэу дзэ-медицинэ учреждениехэм къащяIэзэнхэу;

— шапхъэм диштэу щыгъын къаратынэу;

— илъэс 20 Iоф зашIэкIэ пенсием кIонхэу.

Нахь игъэкIотыгъэу къэбархэр къызыIэкIэзыгъахьэ зышIоигъо­хэм Урысыем и ФСБ Адыгэ РеспубликэмкIэ и ГъэIорышIапIэу мыщ фэдэ чIыпIэм щыIэм зыфагъэзэн алъэкIыщт: къ. Мые­къуапэ, ур. Краснооктябрьскэр, 28, тел.: 8(8772) 52-85-90.

Урысыем и ФСБ Адыгэ РеспубликэмкIэ и ГъэIорышIапIэ ипресс-къулыкъу