Росгвардием Адыгэ РеспубликэмкIэ и ГъэIорышIапIэ ОМОН-кIэ ихэу­шъхьафыкIыгъэ под­разделениехэу «Фыщт», СОБР-кIэ — «Ошъутен», Росгвардием Краснодар краимкIэ и ГъэIорышIэпIэ шъхьаIэ ОМОН-кIэ ихэушъхьафыкIыгъэ подразделениеу «Зверобой-Юг» зыфиIорэм яIофышIэхэм вертолетым укъипкIызэ, парашют хэмытэу чIыгум укъызэрэсыщт шIыкIэмкIэ къулайныгъэу яIэм хагъэхъуагъ.

ЛъэгэпIэ зэфэшъхьаф­хэм анэсыгъэхэу ахэр вертолетым къипкIыгъэх. Вертолетэу Ми-8-м къыра­гъэтIысыкIхэ зэхъум Рос­гвардием иIофышIэхэм альпинистхэм агъэпсэо­лъэрэ кIапсэхэмрэ нэ-­ мыкI пкъыгъохэмрэ къыз­фагъэфедагъэх.

Росгвардием хэтхэм якъулайныгъэ зэрэхагъэ­хъуагъэм дакIоу вертолетым исхэми, инструкторми икъоу узэрагурыIон фаер зэхашIагъ.

«ХэушъхьафыкIыгъэ под­разделениехэм яIофы­шIэ­хэм япшъэрылъхэр къин дэдэх. Десантникхэм атегъэпсыхьэгъэ ухьазырыны­гъэ зэрарагъэгъотыгъэм дакIоу спецназым хэтхэм­рэ вертолетым иэкипажрэ зэгурыIонхэми лъэшэу анаIэ тырагъэтыгъ», — къыIуагъ Росгвардием игъэIорышIапIэ иподразделениехэм япащэу майорэу Николай У-м.