Адыгеим икъэлэ шъхьаIэ чъыгхэр, кондэ зэфэшъхьаф­хэр, къэгъагъэхэр, дахэу зэгъэфагъэу къагъэкIырэ уц­хэр бэу дэтых, иурамхэр, зыгъэпсэфыпIэ чIыпIэу иIэхэр ахэм къагъэкIэракIэх. А зэпстэумэ ящыкIагъэхэр арашIылIэмэ, пыдзафэхэр бэу къызэрапыкIыщтыри нафэ.

[caption id="attachment_133463" align="aligncenter" width="800"] Сурэтыр: «ЭкоЦент­рэм» и Адыгэ шъолъыр къутам.[/caption]

Ащ фэшI шъолъыр операторым шъугу къегъэ­кIыжьы унэе псэупIэхэм чъыгхэм, куандэхэм къапыкIыгъэ пыдзафэхэр къы­зэращиугъоихэрэр хэкIыр зэрэдищырэм­ ыуасэ къыдыхэлъытагъэу зэрэщытыр. Фэтэрыбэу зэхэт унэхэм ащ фэдэ пыдзафэхэр къахищынхэм пае шъхьафэу зэзэгъыныгъэ къыдашIын фае.

Паркхэм, скверхэм къа­щыкIыхэрэм къапыкIырэ хэкIыр общественнэ чIыпIэхэм язэтегъэпсыхьан фэгъэзэгъэ къулыкъухэр ары Iузыщырэр. Лъагэу къэкIыгъэ чъыгэу, электричествэм икIуапIэхэм анэсыгъэхэм якъэупкIэрэпхъухьани, къутамэхэм яIущыни электроэнергиер къэзытырэ компаниехэр фэгъэзагъэх.

Пыдзафэхэр, къутамэхэри зэрахэтхэу, жъугъэстынхэ шъуфимытэу за­коным къызэрэдэлъыта­гъэр зыщышъумыгъэгъупш. Эко­логием ишапхъэхэр зымыгъэцакIэхэрэм административнэ тазыр ара­гъэтыщт.

Пыдзафэхэр зыщыIуащырэ графикыр «ЭкоЦент­рэм» ишъолъыр оператор иинтернет нэкIубгъо ижъу­гъотэщт. Мары къызэрэ­зэ­Iушъухыщтыр: http://adygea.clean-rf.ru. Игъом хэкIыр Iуамыщырэмэ мы номерхэмкIэ шъукъытеон шъулъэкIыщт: 8-800-707-05-08 е 8-962-868- 14-64.