ПIалъэр лъагъэкIотагъ
Экологием фэгъэхьыгъэ тхыгъэхэм язэнэкъокъоу «Чистота планеты — тема для поэта» зыфиIорэм хэлажьэмэ зышIоигъохэм ялъэIу тхылъхэм яштэн жъоныгъуа-кIэм и 21-м аухынэу ары зэрэщытыгъэр, ау зэхэщакIохэм бэдзэогъум и 1-м нэс лъагъэкIотагъ.
[caption id="attachment_133460" align="aligncenter" width="800"] Сурэтыр: «ЭкоЦентрэм» и Адыгэ шъолъыр къутам.[/caption]
Шъугу къэдгъэкIыжьын, мы зэнэкъокъум тхэкIо ныбжьыкIэу илъэси 5 — 16 зыныбжьхэр ары хэлэжьэнхэу къырагъэблагъэхэрэр. ЛъэныкъуищымкIэ ахэм яIофшIагъэхэм уасэ афашIыщт. «Маленькая рифма о большой экологии», «Поэта речь, как планету уберечь» зыфиIохэрэр хэкIым икъэугъоин, ащ пкъыгъо зэфэшъхьафхэр хэшIыкIыгъэнхэм, экологием епхыгъэ Iофтхьабзэхэм, шIыхьафхэм, «Станет жизнь Адыгеи краше. Чистота — работа наша!» зыфиIорэр шъолъыр операторым иIофшIэн афэгъэхьыгъэх.
КIэлэцIыкIухэм, зихэхъогъухэм усэу, поэмэу, частушкэу е нэмыкIэу къатхыгъэхэр электроннэ почтэмкIэ къагъэхьынхэ алъэкIыщт. Мары адресыр: conkurs01@clean-rf.ru. «ЭкоЦентрэм» иофисэу Мыекъуапэ дэтым къырахьылIэхэми хъущт. Ащ иадресыр: урамэу Пионерскэр, 297.
«ЭкоЦентрэм» и Адыгэ шъолъыр къутамэ ипресс-къулыкъу.
Сурэтыр: «ЭкоЦентрэм» и Адыгэ шъолъыр къутам.