Федеральнэ къэралыгъо бюджет учреждениеу «Темыр-Кавказ УГМС-м» къызэ­ритыгъэмкIэ, 2023-рэ илъэсым жъоныгъуакIэм и 29 – 31-м ощхышхохэр къещ­хынхэ, Краснодар краимкIэ Лабин­скэ, Мостовской, Отрадненскэ, Кур­ганинскэ, Лэбэпэ районхэм, Адыгэ РеспубликэмкIэ Красно­гвардейскэ, Шэу­джэн, Кощхьэблэ районхэм арыт псыхъохэм лъэшэу псыр къащыдэкIоен ылъэкIыщт.

Метеокъулыкъум муниципальнэ образованиехэм ядежурнэ-диспетчер къулыкъухэмрэ яорганизациехэмрэ игъо афелъэгъу ренэу зэпхыныгъэ зэдыряIэнэу, гумэ­кIы­гъо къэхъун зэрилъэкIыщтым фэхьазырынхэу. Адыгэ Республикэм зыкъэухъу­мэжьынымкIэ ыкIи ошIэ-дэмышIэ IофхэмкIэ и Комитет тхьамыкIагъо къэ­хъун зэрилъэкIыщтымкIэ цIыфхэм макъэ аригъэIун фае.

ЧIыопс нэшанэ зиIэ гумэкIыгъо къэтэджын зилъэ­кIыщт лъэхъаным лъэшэу зыщысакъынхэ фэе шап­хъэм техьанхэу, къэхъун ылъэкIыщт авариехэм ядэгъэзыжьын фэгъэзэгъэщт бригадэхэм чэщи мафи Iоф ашIэнэу игъо афа­лъэгъу. ЧIыпIэ зыгъэIорышIэжьынымкIэ къулыкъухэм япащэхэм администрацием иIофышIэхэр ягъусэхэу псэупIэ-коммунальнэ хъыз­мэтым ипсэолъэ шъхьаIэхэм Iоф зэрашIэрэм чэщи мафи гъунэ лъафынэу. ОшIэ-дэмышIэ тхьамыкIагъо Адыгэ Республикэм къыщыхъун зэри­лъэкIыщтымкIэ муниципальнэ образованиехэм, къоджэ псэупIэхэм япащэхэм, зыкъэухъумэжьынымкIэ ыкIи ошIэ-дэмышIэ IофхэмкIэ отделхэм яIофышIэхэм, предприятиехэм, организациехэм, аварийнэ-къэгъэнэжьэкIо къулыкъу­хэм, учреждениехэм япащэхэм макъэ ягъэIугъэнэу.