Адыгэ Республикэм и Къэралыгъо Совет — Хасэм иятIокIэнэрэ плIырэ зэхэсыгъо 2023-рэ илъэсым жъоныгъуакIэм и 31-м щыIэщт. Iофыгъохэу зытегущыIэщтхэм мы къыкIэлъыкIохэрэр ахагъэхьагъэх: Адыгэ Республикэм и Законхэу «Муниципальнэ образованием ипащэ ихэдзын ехьылIагъ», «Унагъом, ным, тым ыкIи кIэлэцIыкIухэм яхьылIагъ» зыфиIохэрэмкIэ законопроектхэм ятIонэрэу ахэплъэгъэныр; Адыгэ Рес­публикэм и Законхэу «ГаражхэмкIэ ыкIи ахэр зытет чIыгу IахьхэмкIэ цIыфхэм яфитыныгъэхэр тхылъкIэ гъэпсыгъэнхэм иIофыгъо заулэхэм ягъэцэкIэн ехьылIагъ», «Муниципальнэ районхэм чIыпIэ зыгъэIорышIэжьынымкIэ якъулыкъухэм псэупIэхэм бюджетымкIэ язэтекIукIыныгъэхэр гъэтэрэзыгъэнхэмкIэ ыкIи ащ пэIухьащт дотациехэр къидзэгъэнхэмкIэ Адыгэ Республикэм икъэралыгъо полномочиехэр афэгъэзэгъэнхэм ехылIагъ», «Административнэ хэбзэукъоныгъэхэм алъэныкъокIэ Адыгэ Республикэм икъэралыгъо полномочиехэр чIыпIэ зыгъэIорышIэжьыным икъулыкъухэм афэгъэзэгъэнхэм ехьылIагъ», «Фэтэрыбэу зэхэт унэхэм ащы­псэухэрэ цIыфхэм зэдыряеу щыт мылъкум игъэцэкIэжьын игъом зэшIохыгъэнымкIэ Iофыгъо зау­лэхэм яхьылIагъ», «Предпринимательствэ цIыкIумрэ гурытымрэ къахиубытэхэрэм Адыгэ Республикэм икъэралыгъо мылъку хэхьэрэ амыгъэкощырэ мылъкур бэджэндэу аштэнымкIэ фитыныгъэу яIэхэм яхьылIагъ» зыфиIохэрэм апэрэу ахэплъэгъэныр ыкIи нэмыкI Iофыгъохэр.

Адыгэ Республикэм и Къэралыгъо Совет — Хасэм изэхэсыгъо пчэдыжьым сыхьатыр 10-м рагъэжьэщт, Жуковскэм иурам тет унэу N 22-м АР-м и Правительствэ изэхэсыгъохэр зыщыкIохэрэ Залышхоу хэтым ар щыкIощт.

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр