Зэнэкъокъум зыфегъэхьазыры
Щэбзэ щэрыонымкIэ Урысыем ичемпионатрэ Къыблэ федеральнэ шъолъырым ипервенствэ- рэ ахэлэжьэнэу Мыекъуапэ икомандэ зегъэхьазыры. Iофтхьабзэм зыщызыушэтыщтхэр зиIэпкъ-лъэпкъкIэ фыкъуагъэ зиIэхэр ары.
Илъэсныкъо фэдизкIэ узэкIэIэбэжьмэ Баламутовхэм яунагъо Адыгеим псэупIэкIэ къэкIожьыгъ ыкIи мы спорт лъэпкъым республикэм зыщиушъомбгъуным ыуж ихьагъ. Щэбзэ щэрыоныр зыгу рихьыхэрэр Мыекъуапэ илицееу N 34-м тхьамафэм 5 щызэрэугъоих.
Урысыем ичемпионат Адыгеир къыщагъэлъэгъощт Иван Берзенкэм, Александр Маклановым ыкIи Игорь Кривулиным. Iофтхьабзэр Тульскэ хэкум ит къалэу Алексин щыкIощт. Ащ ыуж бэдзэогъум ипэублэм Къыблэ федеральнэ шъолъырым ипервенствэ Таганрог щызэхащэщт. Ащ илъэси 10 — 16 зыныбжьхэр хэлэжьэщтых.