Херсон хэкум и Геническэ район щыIэгъэ медицинэм иIофышIэхэр зыхэхьэрэ бригадэр Адыгеим къэ­кIожьыгъ. Педиатрическэ брига­дэм хэтыгъэхэм зыгъэпсэфыгъо уахътэ ямыIэу кIэлэцIыкIухэр ауплъэ­кIугъэх, яIэзагъэх. Ар къытфиIопщыгъ АР-м псауныгъэр къэу­хъумэгъэнымкIэ иминистрэу Мэрэтыкъо Рустем.

Шъугу къэдгъэкIыжьын, Адыгэ Рес­публикэм и ЛIышъхьэ иунашъокIэ жъоныгъуакIэм иапэрэ мафэхэм ме­дицинэм иIофышIэхэр зыхэхьэрэ бригадэр Геническэ районым агъэкIогъагъ, ахэр нэ­бгырэ 14 хъущтыгъэх. Рай­оным щы­псэухэрэм ясабыйхэм япсауныгъэ изы­тет ауплъэ­кIуныр ыкIи зищыкIагъэхэм медицинэ IэпыIэгъу ягъэгъо­тыныр ахэм япшъэрылъыгъ, ар дэгъоу тимедикхэм агъэцэкIагъ.