АР-м и Къэралыгъо филармоние къыпэIулъ скверым изэтегъэпсыхьан ТекIоныгъэм иурам ылъэныкъокIэ щаухы. [caption id="attachment_132802" align="aligncenter" width="800"] Сурэтыр: М. Гордышов.[/caption] Урамэу МайкопскэмкIэ гъэзэгъэ лъэ­ныкъом изытет тиреспубликэ исхэмрэ ихьакIэхэмрэ агу къыдещае. Мы чIыпIэм итеплъэ тIэкIу-тIэкIузэ зехъожьы, Мые­къуапэ игупчэ ит псэуалъэхэм нахь адиштэ мэхъу. [caption id="attachment_132803" align="aligncenter" width="800"] Сурэтыр: М. Гордышов.[/caption] ЗекIоным зегъэушъомбгъугъэнымкIэ мы чIыпIэм изэтегъэпсыхьан мэхьанэшхо иI. СкверыкIэм къыпэIулъых ЗыкIы­ныгъэмрэ ЗэгурыIоныгъэмрэ япчэгоу адыгэ онджэкъыр угу къэзыгъэкIырэ саугъэтыр зэрытыр, мэщытыр, Адыгэ Республикэм и Лъэпкъ музей. ТIэкIукIэ ащ нахь пэIудзыгъэх Зэкъошныгъэм ипчэгурэ егъашIэм Урысыем зэрэкъотыщтхэм ехьылIэгъэ саугъэтымрэ. «Республикэм ихьакIэхэм якIуапIэу мы чIыпIэр зэрэхъущтым, къэлэдэсхэм язэIукIапIэу зэрэщытыщтым, гупсэ­фыпIэ зэрэхъущтым сицыхьэ телъ», — къыIуагъ КъумпIыл Мурат.