Я ХIХ-рэ лIэшIэгъум щыIэгъэ Кавказ заом хэкIодагъэхэм афэгъэ­хьыгъэ шъыгъо-шIэжь мафэр 2023-рэ илъэсым жъоныгъуакIэм и 21-м Адыгеим щыхагъэунэфыкIыщт. Я ХIХ-рэ лIэшIэгъум щыIэгъэ Кавказ заом хэкIодагъэхэм афэгъэ­хьыгъэ шъыгъо-шIэжь мафэм фэгъэ­хьыгъэ митинг-реквиемыр Адыгэ Республикэм и Къэралыгъо филармоние пчыхьэм сыхьатыр 5-м щыкIощт. Iофтхьабзэм шъухэлэжьэнэу шъу­къетэгъэблагъэ. ЗэхэщэкIо комитет.