Адыгэ шъолъыр кIэлэцIыкIу-ныбжьыкIэ общественнэ движениеу «Адыгеим икъэзэкъ ныбжьыкIэхэм я Союз» зыфиIорэм къэзэкъ гуфитэу хэушъхьафыкIыгъэ дзэ операцием щыIэхэм афэгъэхьыгъэ зэIухыгъэ зэнэкъокъоу «Тилъэхъан илIыхъужъхэр» зыцIэм икIэуххэр зэфихьысыжьыгъэх.

Къалэу Анапэ щыщ я 8-рэ классым щеджэрэ Елена Дружининам иIофшIагъэ анахь дэ­гъоу осэшIхэм алъытагъ. Лъэныкъоу «Къалэм итарихъ пытэу ыцIэ хэхьагъ» зыфиIорэм ОБЖ-мкIэ кIэлэегъаджэу Iоф зышIэгъэ, Анапэ икъэзэкъ обществэ хэтыгъэ Евгений Муровскэм икъэбар къыщыриIотыкIыгъ. 2023-рэ илъэсым гъэтхапэм и 25-м Евгений идзэ пшъэрылъхэр ыгъэцакIэхэзэ Донецкэ дэжь щыхэкIодагъ. КъыткIэхъухьэрэ ныбжьыкIэхэм ящысэтехыпIэу ар щытыгъ. Ежьыр спортсменыгъ, ыгъэсэрэ ныбжьыкIэхэм спортыр шIу аригъэлъэгъугъ.

ЯтIонэрэ чIыпIэр къыдэзы­хыгъэ Анапскэ районым щыщ Алексей Шамрай икъэлэ кIасэу Херсон къытегущыIагъ, заор къемыжьэзэ насыпышIоу ащ щыпсэугъ, щеджагъ. Заор къызе­жьэм узэу ыкIи щынагъоу зэха­шIагъэр, неонацистхэм якъа­лэ къызэрагъэуагъэр, тидзэхэм Херсон щыщхэр къызэраухъумагъэхэр, шIушIэ IэпыIэгъу къа­зэрэфэхъугъэхэр игукъэ­кIыжьхэмкIэ къыреIотыкIых.

Ящэнэрэ чIыпIэр фагъэшъошагъ Краснодар краим ит къутырэу Свободнэм щыпсэурэ я 5-рэ классым щеджэрэ Арина Курдовам. Къэзэкъ ныбжьыкIэ цIыкIум хэушъхьафыкIыгъэ дзэ операцием хэлажьэхэрэм шIушIэ IэпыIэгъу ягъэгъотыгъэным иуна­гъо исхэм яIахьышIу зэрэ­хашIы­хьагъэр итхыгъэ къыщыриIотыкIыгъ.

Ащ нэмыкIэу къэзэкъ шэн- хабзэхэм зэрафэшъыпкъэхэм къыхэкIэу ныбжьыкIэ заулэ щытхъу тхылъхэмкIэ къыхагъэщыгъэх.

ТекIоныгъэр къыдэзыхыгъэ­хэм Адыгеим икъэзэкъ ныбжьыкIэхэм я Союз идипломхэр ыкIи Мыекъопэ къэзэкъ отделым инэпэеплъ шIухьафтынхэр афагъэшъошагъэх.

Мыекъопэ къэзэкъ отделым иатаман иIэпыIэгъоу

Е. Загорулько.