Сомэ миллиони 6 къыхагъэкIыщт
2023-рэ илъэсым республикэ бюджетым къыхагъэкIыщт сомэ миллиони 6-мкIэ кIэлэцIыкIу 900 фэдизмэ ортопедическэ лъэкъопылъхьэ афащэфын ямурад.
Непэрэ мафэм ехъулIэу кIэлэцIыкIуи 125-мэ ыпкIэ хэмылъэу ащ фэдэ лъэкъопылъхьэ 250-рэ аратыгъ. Ащ фэдэ IэпыIэгъум къыхырагъэубытэхэрэр гъот макIэ зиIэхэр, зыныбжь илъэс 18-м нэмысыгъэ кIэлэцIыкIухэу ортопедическэ лъэкъопылъхьэ зищыкIагъэхэр ары. Адыгэ Республикэм IофшIэнымрэ социальнэ хэхъоныгъэмрэкIэ и Министерствэ макъэ зэраригъэIурэмкIэ, ащ фэдэ лъэкъопылъхьэ къаратыным пае Адыгэ Республикэм икъэралыгъо учреждениеу «IофшIэнымкIэ ыкIи цIыфхэр социальнэу ухъумэгъэнхэмкIэ Гупчэм» тхылъ гъэнэфагъэ къыIахын фае.