2023-рэ илъэсым Гъогу фондым сомэ миллион 48-рэ къытIупщыгъ, а ахъщэмкIэ апэрэ илъэсныкъом блэмыкIэу сурэт ыкIи видео тезыхырэ камерэ 18 агъэуцунэу агъэнафэ.

[caption id="attachment_132380" align="aligncenter" width="800"] ЗэIухыгъэ къэбарлъыгъэIэс амалхэр.[/caption]

АР-м хэгъэгу кIоцI IофхэмкIэ и Министерствэ гъогухэр щынэгъончъэнхэмкIэ и Къэра­лыгъо инспекцие ягъусэу камерэхэр зыщагъэуцущт чIыпIэхэр къыхахыгъэх. АР-м псэолъэшIынымкIэ и Министерствэ къызэрэщаIуагъэмкIэ, анахь авариябэ зыщыхъурэ гъогу Iахьхэр ары агъэнэфагъэхэр. Федеральнэ мэхьанэ зиIэ гъогухэм ыкIи шъолъыр мэхьанэ зиIэхэм зэфэдэу камерэ ирый атырагъэуцощт, чIыпIэ гъогухэм камери 2 къафыхагъэкIыгъ. Каме­рэ­­хэм Iоф ашIэ хъумэ, гъогухэм атехъухьэрэ авариехэм япчъагъэ къыкIечы, водительхэри нахь сакъэу мэхъух. Ащ елъытыгъэу къыкIэдгъэтхъын тлъэкIыщт: камерэхэр зытет гъогу Iахьхэр нахь щынэгъончъэх», — къыщаIуагъ АР-м псэолъэшIынымкIэ и Министерствэ.