1941-рэ илъэсым ибжы­хьэ Андырхъое Хъусен Борэжъ ыкъом Луганскэ хэкумкIэ селоу Дьяково лIыхъужъны­гъэшхо щызэрихьагъ. Къэзыухъурэихьэгъэ нэ­мыцхэм «Урысхэм зыкъатырэп!» ыIуи якууи, гранатэу ахидзагъэхэмкIэ апсэ Iуихыгъ, ежьыри а чIыпIэм щыфэхыгъ.

Андырхъое Хъусен ыцIэ зыхьырэ дивизионым идзэкъулыкъушIэхэр лIыхъужъныгъэшхо ащ зыщызэрихьэгъэ чIыпIэм ТекIоныгъэм и Мафэ ехъу­лIэу щыIагъэх. Хъусен Борэжъ ыкъор зыщагъэтIылъыгъэ къош къэхалъэр ахэм зыпкъ рагъэуцо­жьыгъ.

— ТидзэкъулыкъушIэхэу хэушъхьафыкIыгъэ дзэ операцием хэла­жьэ­хэрэм, тятэхэу, тятэжъхэу тихэгъэгу ишъхьафиты­ныгъэ къэзыухъумагъэхэм «тхьашъуегъэпсэу» ясэIо. Ахэм ащыщ Советскэ Союзым и ЛIыхъужъэу Андырхъое Хъусен Борэжъ ыкъор. Я 3-рэ Мые­къопэ артиллерийскэ дивизионэу хэушъхьафы­кIыгъэ дзэ операцием хэлажьэрэм ащ ыцIэ ехьы. Хэгъэгур псэемыблэжьэу къэзыухъумэрэ тидзэ­кIолI­хэм, нахьыжъхэм яхэбзэ шIагъохэр лъызыгъэкIуа­тэхэрэм лъэшэу тарэгу­шхо! — къыIуагъ Адыгеим и ЛIышъхьэ.