«ТекIоныгъ» зыфиIорэ марафоныр Адыгеим щыкIуагъ. Мазэм къыкIоцI студентхэр, кIэлэеджа­кIохэр ащ хэлэжьагъэх. Аужырэ тхьамафэм «МыкIодыжьыщт полк» зыфи­Iо-рэм пае пкъыгъохэм яшIын фэгъэхьыгъэ мастер-классхэр зэха­ща­гъэх, джащ фэдэу урокэу «ТекIоныгъэм ивальс» кIуагъэ. Партиеу «Единэ Россием» ишъолъыр общественнэ приемнэу Адыгеим щыIэм, НыбжьыкIэ гвардием ыкIи федеральнэ партийнэ проектэу «Тарихъ шIэжьыр» зыфиIорэм ялIыкIохэр марафоным кIэщакIо фэхъу­гъэх. Тарихъыр къэухъумэгъэныр ары партием илъэпкъ программэ ипшъэрылъ шъхьа­Iэр. Марафоным ишIуа­гъэкIэ, лIэшIэгъу зэфэшъхьафхэм лIыхъужъныгъэ зезыхьагъэхэр къыткIэхъу­хьэрэ лIэужхэм арагъашIэх, непэрэ мафэм фашизмэм ебэныхэрэм ягугъу дахэкIэ ашIы.