Хэгъэгу зэошхом иветеранхэу лъытэныгъэ зыфэтшIыхэрэр! ТичIыпIэгъу лъапIэхэр!
ТекIоныгъэм и Мафэ фэшI тышъуфэгушIо!
Урысыем ис цIыф лъэпкъыбэхэмкIэ мэфэкI лъэпIэ дэдэу ар щыт. Тикъэралыгъо исхэр зэрэзэкъотхэр, Хэгъэгум зэрэфэшъыпкъэхэр ащ къегъэлъагъо.
Хьазаб ин зыщащэчыгъэ зэо лъыгъэчъэшхом ыуж илъэс 78-рэ тешIэжьыгъэми, а илъэс къинхэр зэпызычыгъэхэр, ыужыкIэ хэгъэгур зыпкъ изыгъэуцожьыгъэхэр шIукIэ егъашIи тыгу илъыщтых, Хэгъэгум узэрэфэшъыпкъэн фаемкIэ ренэу щысэтехыпIэу тиIэщтых.
ТекIоныгъэр къыдэзыхыгъэхэм ящытхъу мыщ фэдэ мафэм тэIо, псэемыблэжьэу тылым щылэжьагъэхэм тызэрафэразэм игугъу тэшIы, фашизмэм пэуцужьхэзэ фэхыгъэхэм тафэшъыгъо.
Хэгъэгу зэошхом илъэхъан лIыхъужъныгъэшхо зезыхьагъэхэр ренэу щысэтехыпIэу тиIэщтых, 1945-рэ илъэсым нацизмэм зэрэтекIуагъэхэм тырыгушхощт. Урысыем идзэкIолIхэм ветеранхэр ящысэтехыпIэу Хэгъэгу зэошхом илъэхъан тятэхэмрэ тятэжъхэмрэ зыфэзэуагъэхэр непэ къагъэгъунэн фаеу мэхъу. Урысыем идзэкIолIхэмрэ иофицерхэмрэ хэушъхьафыкIыгъэ дзэ операциеу Украинэм щыкIорэм япшъэрылъ щагъэцакIэзэ, Урысыем итекIоныгъэхэм ахагъахъо, тикъэралыгъо ищынэгъончъагъэ къагъэгъунэ.
Тиветеран лъапIэхэми, тылым щылэжьагъэхэми, Iашэр зыIыгъэу Хэгъэгум ифедэхэр непэ къэзгъэгъунэхэрэми тхьашъуегъэпсэу ятэIо.
ТичIыпIэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, шIумрэ насыпымрэ шъуащымыкIэнэу, мамыр ошъогур ренэу къышъушъхьарытынэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» ишъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр
