Гъэмэфэ уахътэм хьылъэзещэ машинэхэм гъогухэм зэрар арамыхыным фэшI шIэгъэн фаехэр рахъухьэх. «Адыгеяавтодорым» къызэриIопщыгъэмкIэ, 2023-рэ илъэсым жъоныгъуакIэм и 1-м къыщегъэжьагъэу Iоныгъом и 30-м нэс фабэр градус 32-м зынэсыкIэ, хьылъэзещэ машинэхэр шъолъыр ыкIи муниципальнэ гъогухэм арагъэкIощтхэп.

[caption id="attachment_132056" align="aligncenter" width="800"] ЗэIухыгъэ къэбарлъыгъэIэс амалхэр.[/caption]

Автоматическэ щэчэлъэ чIыпIитIу 2022-рэ илъэсым ашIыгъ, мы илъэсым иятIонэрэ кIэлъэныкъо имыкIызэ джыри ащ фэдэ щэчэлъитIу агъэпсынэу рахъухьэ. Хьылъэзещэ машинэхэр зезыфэрэ водительхэм шапхъэу агъэнэфагъэхэр зэраукъохэрэм къыхэкIэу рейдхэр зэхащэхэзэ ашIынэу, нахь чанэу алъыплъэнхэу зэдаштагъ. Мэкъумэщ продукциер зезыщэхэрэм, мыжъор къызщычIахырэ хъызмэтшIапIэхэм япащэхэм зэIукIэгъухэр адашIыщтых. Адыгэ Республикэм и ЛIышъхьэ унашъо афишIыгъ хьылъэзещэ машинэхэр мафэм ычIыпIэ пчыхьэрэ ыкIи чэщырэ къекIокIыхэзэ ашIын алъэкIыщтмэ агъэунэфынэу.