Мы зэнэкъокъур Тэхъутэмыкъое районым ит къуаджэу Афыпсыпэ щыкIуагъ.

Шъэумэн Хьазрэт ишIухьафтын фэбэнагъэх къуаджэхэу Афыпсыпэ, Псэйтыку, Хьащтыку, Пэнэ­хэс, Щынджые, Бжыхьэкъоежъым, АдыгеякIэм, Тэхъутэмыкъуае, Пэнэжьыкъуае, Очэпщые, поселкэхэу Яблоновскэмрэ Инэмрэ, Адыгэкъалэ ялIыкIохэр, зэкIэмкIи командэ 13 хъущтыгъэх.

ТекIоныгъэр къыдихыгъ Адыгэкъалэ икомандэ, зэнэкъокъум и Кубок ащ фагъэшъошагъ. Псэйтыку илIыкIохэм ятIонэрэ чIыпIэр къыдахыгъ, Бжыхьэкъоежъым икомандэ ащэнэрэ хъугъэ.

Iофтхьабзэм хэлэжьэгъэ коман­дэхэм зэкIэми Шъэумэн Хьазрэт ыцIэкIэ агъэнэфэгъэ ахъщэ шIухьафтынхэр аратыгъэх. Джащ фэдэу Тэхъутэмыкъое районым испорт еджапIэу «Шапсыгъ» зыфи­Iорэм ихэушъхьафыкIыгъэ шIухьафтынхэмкIэ хагъэунэфыкIыгъэх зэнэкъокъум анахь дэ­гъоу зыкъыщызыгъэлъэгъогъэхэ Хьатит Алый (Бжыхьэкъоежъыр), Хъы­дзэлI Амир (Псэйтыку), Уджыхъу Рэмэзан (Адыгэкъал).

БЗЭШIУ Асхьад.