Урысые зэнэкъокъоу «Мастер года» зыфиIорэм ишъолъыр уцугъо изэфэхьысыжьхэр къэнэфагъэх. Муниципальнэ едзыгъохэм текIоныгъэр къащыдэзыхыгъэ нэбгырэ 18-м лъэныкъо зэфэшъхьафхэмкIэ заушэтыгъ, яIофшIэнкIэ агъэфедэрэ шIыкIэхэр къагъэлъэгъуагъэх.

[caption id="attachment_131966" align="aligncenter" width="800"] Гъэсэныгъэмрэ шIэныгъэмрэкIэ Министерствэр.[/caption]

Зэнэкъокъум иятIонэрэ уцугъом къыдыхэлъытагъэу «Я – мастер» зыфиIорэмкIэ заушэтыгъ, яIофшIэн зэрэзэхащэрэр, аужырэ шапхъэхэм адиштэрэ шIыкIэу агъэфедэхэрэр, практическэ IофшIэнэу зэхащэхэрэр ыкIи гъэхъагъэу яIэхэр къагъэлъэгъуагъэх.

Ящэнэрэ едзыгъом пхырыкIыгъэ нэбгырипшIымэ кIэлэ­еджа­кIохэр ягъусэхэу мастер- класс къагъэлъэгъуагъ ыкIи анахь дэгъухэр кагъэнэфагъэх. Мые­къопэ медицинэ колледжым икIэлэегъаджэу, практическэ егъэджэнымкIэ пащэм игуадзэу Ольга Кононенкэм апэрэ чIыпIэр къыхьыгъ. Мыекъопэ къэралыгъо технологическэ университетым иполитехническэ колледж икIэлэегъаджэу Оксана Ивановам ятIонэрэ хъугъэ, Дондуковскэ мэкъумэщ техникумым имастерэу Наталия Донскаям ящэнэрэ чIыпIэр фа­гъэшъошагъ.

ТекIоныгъэр къыдэзыхыгъэ Ольга Кононенкэр Iоныгъом и 27-м къыщегъэжьагъэу чъэпыогъум и 2-м нэс Тула щыкIощт федеральнэ уцугъом хэлэжьэщт.