Электричествэр цIыфхэм аIэкIэзыгъэхьэрэ компаниеу «ТНС энерго Кубань» зыфиIорэм игупчэхэу цIыфхэм яфэIо-фашIэхэр зыгъэцакIэхэрэм мэфэкI мафэу къэблагъэхэрэм Iоф зэрашIэщтым шъущегъэгъуазэ. ЖъоныгъуакIэм и 8-р ыкIи и 9-р зыгъэпсэфыгъо мафэх. ЗыкI зэпхыныгъэ Гупчэм Iоф ышIэщт, ау операторхэм уарипхыщтэп. ТелефонымкIэ утеомэ, автоматическэ шIыкIэм тетэу аварие хъугъэмэ IэпыIэгъум укъызэреджэщтым, уилицевой счет изытет, электроэнергием ыпкIэ зэрэптыщтым, бгъэфедагъэр зыфэдизыр къэзыгъэлъэгъорэ псэуалъэхэм якъэбар, ар зыщызэблэпхъун фэе пIалъэу иIэм уащагъэгъозэщт. Номерыр: 8(861)298-01-70 ЖъоныгъуакIэм и 10-м гупчэхэм яIофшIэн падзэжьыщт. Джащ фэдэу «ТНС энерго Кубань» зыфиIорэм ифэIо-фашIэхэр зыIэкIахьэхэрэм мобильнэ приложениер агъэфедэн амал яI. Компанием иинтернет нэкIубгъоу «kuban.tns-e.ru» зыфиIорэм ихьэхэмэ, комиссие хэмыкIэу ыкIи чэзыум хэмытхэу электроэнергием ыпкIэ атын алъэкIыщт.