Къулыкъоу «Газпром газораспределение Майкоп» зыфиIорэм иIофышIэхэм Адыгэ Республикэм ит мемориал 15-у ЕгъэшIэрэ машIор зыщыблэхэрэм, илъэс къэс зэрашIырэм фэдэу, гъэстыныпхъэ шхъуан­- тIэм иоборудование ащагъэкъэбзагъ.

[caption id="attachment_131955" align="aligncenter" width="800"] Сурэтыр: Iахьзэхэлъ обществэу «Газпром газораспределение Майкоп» зыфиIорэм ипресс-къулыкъу[/caption]

ГазрыкIуапIэхэм гъэстыныпхъэ шхъуантIэр къадэмыкIыным, машIор тэрэзэу блэным япхыгъэ уплъэкIунхэр ашIыгъэх, къапэIулъ чIыпIэхэри аукъэбзыгъэх. «Илъэс къэс тикомпание ынаIэ тырегъэты республикэм имемориалхэм ЕгъэшIэрэ машIор зэпыу имыIэу ащыблэным. ТекIоныгъэшхом и Мафэ ехъулIэу тиспециалистхэм мемориалхэм ягаз оборудование гъэцэкIэжьын Iоф­шIэнхэр рашIылIэх», — къыIуагъ Iахьзэхэлъ обществэу «Газпром газораспределение Майкоп» зыфиIорэм игенеральнэ пащэу ЕкъутэкI Аслъан.

Iахьзэхэлъ обществэу «Газпром газораспределение Майкоп» зыфиIорэм ипресс-къулыкъу